TVB又有新劇開拍～
《你不是她》（暫名）劇組
近日齊齊出席開機儀式，
網傳多時嘅演員陣容
正式揭開咗神秘面紗。
據悉，新劇係帶少少
奇幻元素嘅都市愛情題材，
此前，曾有報道話
女主角本來有意讓陳自瑤出演，
但因佢早前放料離婚激嬲高層，
最終換上馮盈盈同丁子朗
擔正做“情侶”。
不過幾位當事人都統一口徑
否認“執二攤”傳聞。
雖話丁子朗同馮盈盈
兩人此前甚少有合作
不過佢哋喺工作上
都幾有緣分噶~
兩人都係因為入選2016年嘅
香港小姐/先生三甲而入行，
其中，馮盈盈（右三）
係當年嘅港姐冠軍，
丁子朗（左二）則獲得
香港先生亞軍。
唔知佢哋今次嘅合作
會擦出乜火花咧？
自從去年嘅《逆天奇案 》
《智能夫妻》播完後，
馮盈盈就主要活躍在
各類綜藝節目、活動同晚會上，
齋計今年，先係有份主持
資訊節目《健康100錯 》，
又從參賽者變身主持
受邀錄制《好聲好戲2》。
近日開播嘅台慶綜藝之一
《 全城一叮 》同樣有佢身影。
雖話在綜藝科通告不斷，
但其實馮盈盈差唔多
有兩年冇入過組拍劇了，
而佢此前參演嘅多數劇集，
由于角色人設不太讨喜
+演技有待提升，
唔少觀衆對佢觀感都唔多好。
今次可以“解凍”拍新劇，
唔知佢有冇暗暗修煉過演技，
俾返啲驚喜觀衆咧？
丁子朗啱喺《美麗戰場》
做完食軟飯嘅“渣男”，
被唔少網友怒斥“油膩”。
今次将喺新劇中
出演“暖男KOL”，
角色反差如此大
唔知佢係咪hold得住？
除咗兩位主角，
配角陣容都好值得關注啵。
好似萬年二番嘅張穎康
今次繼續做配角。
雖然演技都屢獲好評、
觀衆緣亦唔差，
但一直不受力捧，
同佢同齡嘅小生
都陸續獨當一面或者擔正了，
阿康都仲徘徊在三四線。
如今90後小生也
紛紛被捧上主角位，
阿康依然冇緣男一。
繼《痞子殿下》後，
再次為新仔作配，
好多觀衆都替佢感到不值咯。
馬貫東同樣係戲好
但不受捧嘅典型例子，
盡管喺《愛回家》
《鐵馬戰車》《刑偵日記》
《那些我愛過的人》等
多套劇集中都有亮眼表現，
但入行十幾年
仍時常被安排跑龍套角色。
不過，今次佢喺新劇演員名單中
就排到男三嘅位置，
唔知戲份係唔係有更多發揮空間，
有望捱出頭？
你對呢部新劇期待嗎？
歡迎留言同我哋分享吖~
MORE
今日娛樂看點
薛凱琪劉戀互相打歌
在《乘風破浪》結下
深厚友誼嘅薛凱琪、劉戀，
近日互相為對方打歌，
一個學唱《隻喝香槟》
一個改編翻唱《better me》，
以後有機會安排合作曲嗎
戀戀劇場2022收官
2022年愛奇藝嘅“戀戀劇場”
正式收官啦~
《愛情應該有的樣子》
《蒼蘭訣》《逾時空羅曼史》
《我的反派男友》
《我的秘密室友》
你最心水邊一部高甜愛情劇？
謝天華回歸《大灣仔的夜2》
《大灣仔的夜2》
已經靜雞雞開始錄影啦~
最新嘅路透顯示，
此前缺席第一輪長沙錄影嘅
謝天華已經歸隊，
目前原班人馬尚缺梁漢文。
資料來源：劇照、微網誌、豆瓣
網絡資訊綜合整理
編輯：陳祉伶
稽核：曾敏妍
簽發：駱蘋
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）