TVB又有新剧开拍～
《你不是她》（暂名）剧组
近日齐齐出席开机仪式，
网传多时嘅演员阵容
正式揭开咗神秘面纱。
据悉，新剧係带少少
奇幻元素嘅都市爱情题材，
此前，曾有报道话
女主角本来有意让陈自瑶出演，
但因佢早前放料离婚激嬲高层，
最终换上冯盈盈同丁子朗
担正做“情侣”。
不过几位当事人都统一口径
否认“执二摊”传闻。
虽话丁子朗同冯盈盈
两人此前甚少有合作
不过佢哋喺工作上
都几有缘分噶~
两人都係因为入选2016年嘅
香港小姐/先生三甲而入行，
其中，冯盈盈（右三）
係当年嘅港姐冠军，
丁子朗（左二）则获得
香港先生亚军。
唔知佢哋今次嘅合作
会擦出乜火花咧？
自从去年嘅《逆天奇案 》
《智能爱人》播完后，
冯盈盈就主要活跃在
各类综艺节目、活动同晚会上，
斋计今年，先係有份主持
资讯节目《健康100错 》，
又从参赛者变身主持
受邀录制《好声好戏2》。
近日开播嘅台庆综艺之一
《 全城一叮 》同样有佢身影。
虽话在综艺科通告不断，
但其实冯盈盈差唔多
有两年冇入过组拍剧了，
而佢此前参演嘅多数剧集，
由于角色人设不太讨喜
+演技有待提升，
唔少观众对佢观感都唔多好。
今次可以“解冻”拍新剧，
唔知佢有冇暗暗修炼过演技，
俾返啲惊喜观众咧？
丁子朗啱喺《美丽战场》
做完食软饭嘅“渣男”，
被唔少网友怒斥“油腻”。
今次将喺新剧中
出演“暖男KOL”，
角色反差如此大
唔知佢係咪hold得住？
除咗两位主角，
配角阵容都好值得关注啵。
好似万年二番嘅张颖康
今次继续做配角。
虽然演技都屡获好评、
观众缘亦唔差，
但一直不受力捧，
同佢同龄嘅小生
都陆续独当一面或者担正了，
阿康都仲徘徊在三四线。
如今90后小生也
纷纷被捧上主角位，
阿康依然冇缘男一。
继《痞子殿下》后，
再次为新仔作配，
好多观众都替佢感到不值咯。
马贯东同样係戏好
但不受捧嘅典型例子，
尽管喺《爱回家》
《铁马战车》《刑侦日记》
《那些我爱过的人》等
多套剧集中都有亮眼表现，
但入行十几年
仍时常被安排跑龙套角色。
不过，今次佢喺新剧演员名单中
就排到男三嘅位置，
唔知戏份係唔係有更多发挥空间，
有望捱出头？
你对呢部新剧期待吗？
欢迎留言同我哋分享吖~
MORE
今日娱乐看点
薛凯琪刘恋互相打歌
在《乘风破浪》结下
深厚友谊嘅薛凯琪、刘恋，
近日互相为对方打歌，
一个学唱《只喝香槟》
一个改编翻唱《better me》，
以后有机会安排合作曲吗
恋恋剧场2022收官
2022年爱奇艺嘅“恋恋剧场”
正式收官啦~
《爱情应该有的样子》
《苍兰诀》《超时空罗曼史》
《我的反派男友》
《我的秘密室友》
你最心水边一部高甜爱情剧？
谢天华回归《大湾仔的夜2》
《大湾仔的夜2》
已经静鸡鸡开始录影啦~
最新嘅路透显示，
此前缺席第一轮长沙录影嘅
谢天华已经归队，
目前原班人马尚缺梁汉文。
资料来源：剧照、微博、豆瓣
网络信息综合整理
编辑：陈祉伶
审核：曾敏妍
签发：骆苹
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方微信号：靓仔可乐君（handsomecolor）