林建明專訪！現今觀衆較為知道的，是她的情緒病。她九十年代過檔亞視，主力做主持，事發在2001年，開廠期間一塊布景闆突然塌下來擊中她頭部，流血事少，那一陣劇烈的撞擊，比要了她的命還要影響深遠。
她當時不知道意外誘發了情緒病，之後還做了遊戲節目《各出奇謀》，隻知自己性格跟以前大相徑庭。
「完全唔知自己做緊乜，又唔記得台詞。未正式比賽之前通常會跟現場觀衆warm up一下，當其時突然好憎渠哋，班人咁蠢慨，問題咁淺都唔識，覺得渠哋好貪錢，又覺得監制好煩好讨厭。都唔知自己點解會咁樣谂嘢，總之成個人性格變曬。」
硬着頭皮做完整個show，最壞的日子，這才來臨。
「日日喺屋企瞓，唔沖涼又唔刷牙，乜都唔願做。部電視出曬雪花，都唔願意拎起個遙控去揿一下熄機。個腦不停谂點解自己會咁慨？覺得自己好懶，系個廢柴⋯⋯谂到攰就瞓，瞓醒又谂，假如跟住落去都系咁廢，不如死咗佢啦，又谂好多點死慨方法。燒炭？要起身換衫落街買炭，買完返嚟又要點火又要封門窗又要攝門罅，哎呀，好煩呀，咁又瞓着咗。瞓醒又再谂，跳樓啦，但當時唔系住好高，如果跳落去唔生唔死仲咪慘過而家？我廢啫，但起碼唔使人服侍，谂谂下又瞓咗。跟住又谂不如食安眠藥，但要食好多先死，人哋未必賣俾我⋯⋯」
老公曾展章時為無線高層，早出晚歸，見老婆朝早在睡覺，以為她未醒；晚上回來，以為她睡了。如是者沒察覺老婆有病，冷處理了一年。不幸中之大幸，是林建明病情嚴重到一個點，連死的動力也沒有。
「最嚴重嗰時，想殺死埋我老公，好在我乜動力都冇，否則我同渠都已經死咗。瞓咗足足一年，直至景鴻移民搵我拍新一輯廣告，一早簽曬約㗎，但咁慨狀态點拍？嗰時至去面對問題。」
她找了臨床心理學家，再轉介精神科醫生，這才知自己原來患了抑郁焦慮症。
「醫生話：『 你有得醫慨，可以好返慨。』嘩！當時開心到呢，我先知原來過去嗰年我唔系廢，唔系懶，系病咗，我覺得我有救呀！」她說時仍激動得哭了出來。
她乖乖地照足醫生吩咐食藥、覆診，三個月後已略見成果。
「終于肯沖涼、肯出街見人。同朋友講我有病冇人信，渠哋都話，病咩呀你，詐谛之嘛，更年期之嘛，你乜都有，要求多之嘛⋯⋯呢個社會原來冇人認識情緒病，是以我哋咁無助。一個人慨手手腳腳可以有病，個心可以有病，點解個腦唔可以有病？」
記性有限，又容易疲累，幕前是再做不成了，2006年林建明成立了「心晴行動慈善基金」幫助情緒病人，她的事業方向從此改寫。至少，還有事業。
「可能上天覺得我做電視主持做到呢個位已經夠喇，要做第二樣嘢。依家谂返，自己當時仲病緊，仲食緊藥，成個『心晴行動』機構複雜到暈，根本冇可能做到，但就莫名其妙地有好多醫生來幫我，亦有好多有心人捐錢。如果唔系冥冥中有主宰，我根本做唔到。」
她去找玩具大王蔡志明捐贈玩具，豈料對方聽過她的理念後，就捐了一百萬；到華人置業旗下皇室堡搞義賣，剛巧劉銮雄經過，寒暄了幾句，也捐了二百萬。曆年來基金幫了無數的情緒病人，坊間對此病也不再陌生。林建明做了多年主席，近年才退下火線。好人好事，今天她的病也康複了九成。
「仲有食藥，冇可能完全康複，等于你身體某個位傷咗，好番都會有疤痕，我個腦傷過，都會有啲嘢。冇問題喎，好似心髒病呀血壓高咁，與病共存啰！」
歸根究底，是要懂得抒發情緒。今天的林建明，樂觀積極，經常笑口常開。
「之前做人太過緊張，成日畀好多壓力自己，意外隻不過系誘發咗個情緒病出嚟。依家識得調教自己慨思維，盡量做令自己舒服、開心慨事。近年成個人放松曬，工作都系輕松為主，以前唔識錫自己，而家要錫自己多啲。」
她有一班固定的旅行腳，若不是疫情關系，肯定可以雲遊四海。
「想去睇北極光，又想去北韓，仲想坐郵輪，有得食又唔使理，呢度玩下嗰度玩下，有個婆婆就系一直坐郵輪坐到死，呢種方式我都幾向往。」
近年很多老友都離世了，生老病死，她看得很開。
「我唔怕死，但好憎老，若然俾我八十歲命，我甯願隻要六十歲，但身體機能在五十歲時就停落嚟，因為一過咗六十歲所有毛病都出曬嚟，衰退嗰種感覺好難受。我個腦依家仲系三十八歲，但個殼就老咗三十年！」她很無奈。
老殼裡頭藏着年輕靈魂，林建明依然酷愛新鮮事物。韓劇煲得滾瓜爛熟，最近便很喜歡池昌旭。她的社交媒體也頗為活躍，不時見她與藝人朋友飯聚。去年盧海鵬八十大壽，大姐明便在facebook給他賀壽，還昵稱他「盧海貓」。
林建明常說自己善忘，其實要記的，她都記住了；忘記的，大概也不再重要。 「大白鲨」的故事沒有随美好年代終結，她将自由自在，幸福快樂地生活下去。
記住了；忘記的，大概也不再重要。 「大白鲨」的故事沒有随美好年代終結，她将自由自在，幸福快樂地生活下去。
