《美麗戰場》劇情推進中
全員“黑化”都睇得大家幾過瘾
仲記得開波冇耐嘅時候
陳滢飾演嘅“阿寶”
仲係好單純善良
反襯佢嘅“妹妹”鐘家琪
特别乞人憎
楊卓娜飾演琪琪媽咪曾慧芳
亦都将一個潑辣、惡毒、
有心計嘅姣女人演得入木三分
連佢自己都話
戲份出街之後
好多人鬧佢演得好好
尋晚最新一集中
“琪琪媽”又現身“惡心”人了
唔知大家仲記唔記得
喺前段時間熱播嘅《童時愛上你》中
楊卓娜飾演高海甯嘅姐姐“雷碧倩”
卻係一個善解人意
關心家人嘅溫柔姐姐
當時仲有好多人贊佢
嗰角色人設好
甚至慶幸女主有個咁嘅姐姐
俾到溫暖佢添啵
楊卓娜演歹毒夠曬味道
做軟糯角色又好适合
不得不贊下佢嘅“劇抛式”演技
▓▓▓▓▓▓▓▓▓▓▓░░░░努力加載中……
其實楊卓娜同楊茜堯
係同父同母嘅親生姊妹嚟噶
細睇兩人嘅側面都有幾分神似
不過二人命運就唔多似啦
大家都知道楊茜堯係“視後”
當年佢憑《名媛望族》中
“康子君”一角
摞下“最佳女主角”頭銜
加上佢之前憑《家好月圓》摞過“女配”
又因為《On Call 36》《宮心計》等劇
包攬曬“我最喜愛”
“最受歡迎”等等獎項
可以話係“TVB大滿貫”女藝人啦
現實中
佢同羅子溢sweet幸福
兒女雙全
成個羨煞旁人嘅人生赢家咁
//////////
而姐姐楊卓娜
就係完全唔一樣嘅人生
當年佢參選港姐
本來就係三甲大熱選手嚟嘅
點知喺一次合影環節中
佢因為動作過大
俾人認為佢係
“批踭”隔離嘅選手楊思琦
各種抹黑、輿論攻擊下
佢變成性格孤僻
唔敢面對大衆嘅“孤獨精”
最終港姐比賽失利
入行之後都係演啲奀角色
多數仲係“寡婦”“失婚人士”
“慘情媽媽”呢類角色
餐餐都見佢喊到七情上面咁
成個“苦”字鑿喺額頭
而且收入唔理想
最不濟時要靠妹妹楊茜堯
撐起成頭家
感情生活中
佢更係多舛又曲折
楊卓娜與男友未婚生下一個囡囡
一直未有名分嘅佢
仲幫男朋友湊住前妻所生嘅兩個囡囡
卓娜話就話自己覺得好幸福
同“繼女”們亦相處融洽
但大家總覺得
呢段無名無分嘅感情
有啲奇怪
年初嘅時候
卓娜就話今年内會同男朋友
完成儀式成為真正夫妻
眼見今年剩下唔夠3個月了
好似都未見佢哋有咩行動啰
//////////
同遮唔同柄
同父同母都唔同命
睇睇下有啲似
現實版《美麗戰場》咁
“阿寶”&“琪琪”早期嘅命運迥異
不過楊卓娜都冇自暴自棄
又唔會蹭妹妹熱度
一直兢兢業業做自己
近幾年佢演嘅角色
都得到唔少觀衆看好啊
相信佢繼續努力
一定會有爆紅嘅一日嘅
MORE
今日娛樂看點
《狀王之王》殺青
電視劇由王浩信、姚子羚主演
尋日終于殺青啦
故事講述宋世傑帶領訟師團隊
一路探查“五大奇案”
踏上狀王之王嘅道路
陳家樂&連詩雅婚禮延期
陳家樂求婚成功之後
原計劃明年年中會舉行婚禮
甚至仲搵人擇咗吉日
但因為兩人工作太忙
一直夾唔到時間
預計婚禮要延遲了
陳慧琳狀态大好
早前宣布自己
已經25X2嘅陳慧琳
最近出席活動穿吊帶裙
皮膚緊緻、身材fit爆
狀态大好
一啲歲月嘅痕迹都冇
資料來源：劇照、微網誌
網絡資訊綜合整理
編輯：郭玮
稽核：曾敏妍
簽發：駱蘋
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）