《美丽战场》剧情推进中
全员“黑化”都睇得大家几过瘾
仲记得开波冇耐嘅时候
陈滢饰演嘅“阿宝”
仲係好单纯善良
反衬佢嘅“妹妹”钟家琪
特别乞人憎
杨卓娜饰演琪琪妈咪曾慧芳
亦都将一个泼辣、恶毒、
有心计嘅姣女人演得入木三分
连佢自己都话
戏份出街之后
好多人闹佢演得好好
寻晚最新一集中
“琪琪妈”又现身“恶心”人了
唔知大家仲记唔记得
喺前段时间热播嘅《童时爱上你》中
杨卓娜饰演高海宁嘅姐姐“雷碧倩”
却係一个善解人意
关心家人嘅温柔姐姐
当时仲有好多人赞佢
嗰角色人设好
甚至庆幸女主有个咁嘅姐姐
俾到温暖佢添啵
杨卓娜演歹毒够晒味道
做软糯角色又好适合
不得不赞下佢嘅“剧抛式”演技
▓▓▓▓▓▓▓▓▓▓▓░░░░努力加载中……
其实杨卓娜同杨茜尧
係同父同母嘅亲生姊妹嚟噶
细睇两人嘅侧面都有几分神似
不过二人命运就唔多似啦
大家都知道杨茜尧係“视后”
当年佢凭《名媛望族》中
“康子君”一角
摞下“最佳女主角”头衔
加上佢之前凭《家好月圆》摞过“女配”
又因为《On Call 36》《宫心计》等剧
包揽晒“我最喜爱”
“最受欢迎”等等奖项
可以话係“TVB大满贯”女艺人啦
现实中
佢同罗子溢sweet幸福
儿女双全
成个羡煞旁人嘅人生赢家咁
//////////
而姐姐杨卓娜
就係完全唔一样嘅人生
当年佢参选港姐
本来就係三甲大热选手嚟嘅
点知喺一次合影环节中
佢因为动作过大
俾人认为佢係
“批踭”隔离嘅选手杨思琦
各种抹黑、舆论攻击下
佢变成性格孤僻
唔敢面对大众嘅“孤独精”
最终港姐比赛失利
入行之后都係演啲奀角色
多数仲係“寡妇”“失婚人士”
“惨情妈妈”呢类角色
餐餐都见佢喊到七情上面咁
成个“苦”字凿喺额头
而且收入唔理想
最不济时要靠妹妹杨茜尧
撑起成头家
感情生活中
佢更係多舛又曲折
杨卓娜与男友未婚生下一个囡囡
一直未有名分嘅佢
仲帮男朋友凑住前妻所生嘅两个囡囡
卓娜话就话自己觉得好幸福
同“继女”们亦相处融洽
但大家总觉得
呢段无名无分嘅感情
有啲奇怪
年初嘅时候
卓娜就话今年内会同男朋友
完成仪式成为真正夫妻
眼见今年剩下唔够3个月了
好似都未见佢哋有咩行动啰
//////////
同遮唔同柄
同父同母都唔同命
睇睇下有啲似
现实版《美丽战场》咁
“阿宝”&“琪琪”早期嘅命运迥异
不过杨卓娜都冇自暴自弃
又唔会蹭妹妹热度
一直兢兢业业做自己
近几年佢演嘅角色
都得到唔少观众看好啊
相信佢继续努力
一定会有爆红嘅一日嘅
MORE
今日娱乐看点
《状王之王》杀青
电视剧由王浩信、姚子羚主演
寻日终于杀青啦
故事讲述宋世杰带领讼师团队
一路探查“五大奇案”
踏上状王之王嘅道路
陈家乐&连诗雅婚礼延期
陈家乐求婚成功之后
原计划明年年中会举行婚礼
甚至仲搵人择咗吉日
但因为两人工作太忙
一直夹唔到时间
预计婚礼要延迟了
陈慧琳状态大好
早前宣布自己
已经25X2嘅陈慧琳
最近出席活动穿吊带裙
皮肤紧致、身材fit爆
状态大好
一啲岁月嘅痕迹都冇
资料来源：剧照、微博
网络信息综合整理
编辑：郭玮
审核：曾敏妍
签发：骆苹
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方微信号：靓仔可乐君（handsomecolor）