歌手#何雁詩#與#鄭俊弘#（Fred）2020年拉埋天窗，并于去年11月補擺喜酒，講明恨生BB嘅二人忽然曬出合唱片，并賣關子要唱歌畀“Dear Little One”，吊足網友胃口兩日，何雁詩終于發長文公布大肚喜訊，仲自爆BB仔男仔，預産期為今年6月中！
何雁詩冧爆宣布佗緊“虎年BB”，指一知道自己懷孕之後，佢同Fred都勁興奮，雖然懷孕過程中佢情緒上都有大大小小嘅變化，不過Fred都一一聆聽佢嘅憂慮，又照顧佢嘅所有需要，令佢唔再覺得孤單，仲大贊老公既體諒又貼心，第時一定會系一個滿分老窦！而Fred都同步更新社交網，同樣公布喜訊，大談自己做老窦嘅心情，指自己都要小心照顧老婆，仲自爆情緒好似暴風一樣，開心、興奮、擔心、恐懼咩都有，不過一切都會聽天由命。