歌手#何雁诗#与#郑俊弘#（Fred）2020年拉埋天窗，并于去年11月补摆喜酒，讲明恨生BB嘅二人忽然晒出合唱片，并卖关子要唱歌畀“Dear Little One”，吊足网友胃口两日，何雁诗终于发长文公布大肚喜讯，仲自爆BB仔男仔，预产期为今年6月中！
何雁诗冧爆宣布佗紧“虎年BB”，指一知道自己怀孕之后，佢同Fred都劲兴奋，虽然怀孕过程中佢情绪上都有大大小小嘅变化，不过Fred都一一聆听佢嘅忧虑，又照顾佢嘅所有需要，令佢唔再觉得孤单，仲大赞老公既体谅又贴心，第时一定会系一个满分老窦！而Fred都同步更新社交网，同样公布喜讯，大谈自己做老窦嘅心情，指自己都要小心照顾老婆，仲自爆情绪好似暴风一样，开心、兴奋、担心、恐惧咩都有，不过一切都会听天由命。