TVB電視劇《十月初五的月光》正在熱播中！最近，劇情就講到由胡鴻鈞所飾演嘅“文初”同生母再度重逢嘅感人畫面，當中胡鴻鈞嘅爆喊演技就獲得網民兩極嘅評論，部份網民認為佢“唔夠肉緊”！
《十月初五的月光》獲得多項提名！
由胡鴻鈞以及何依婷主演嘅電視劇《十月初五的月光》，因為翻拍自經典同名神劇，而引起網民們嘅關注！呢套劇亦抓得住《萬千星輝頒獎典禮》嘅尾巴，獲得多項提名，而胡鴻鈞就憑呢套劇獲提名“最佳男主角”、“最受歡迎電視男角色”、“飛躍進步男藝員”、“最受歡迎電視拍檔”以及“最受歡迎電視歌曲”五個獎項。
劇情播出至文初與生母重遇！
最近，劇情播出到文初（胡鴻鈞）重遇返生母文貴方（楊玉梅），不過生母一直故意避開文初，後來佢仲無理要求文初開口叫“媽媽”。儘管如此，文初依然用心自制紀念冊俾生母，成功打動母親，并願意再度同佢見面。兩人相認時痛哭流涕，場面令人動容，不過生母為咗前程，最終隻係向文初提供假位址，再一次傷透文初嘅心！
網民對胡鴻鈞喊戲有讚有彈！
以上2幕嘅“相認”場面，胡鴻鈞都需要施展佢嘅喊功，對于演技經驗尚淺嘅佢而言，難度都算高！對于胡鴻鈞今次嘅演出，網民有讚有彈，有網民就大讚胡鴻鈞演技比以前進步咗好多“文初演技爆seed”、“睇到一齊喊”等。
網民批評表情過度生硬！
不過亦都有網民認為胡鴻鈞嘅喊戲似乎仲有待改進，認為佢喊得好奇怪“喊到好似便秘咁”、“聾啞人士演到變咗弱智人士”等留言，亦有網民将佢同舊作張智霖比較，認為張智霖演繹得比較好！然而，有網民就話可能係因為拍檔楊玉梅演技太好，先令到兩人有對比，認為胡鴻鈞今次嘅表演已經算好好。
獲得TVB力捧，資源超多？！
胡鴻鈞近年似乎備受TVB力捧，單單係今年頒獎禮就已經獲得5個提名，而佢今年初亦從TVB轉為邵氏旗下藝人。胡鴻鈞除咗做咗電視劇男主角之外，仲可以繼續發展自己嘅歌手事業，公司專登為佢度身訂做歌曲，喺11月尾仲喺九展舉辦一連2日嘅演唱會，備受公司重視！