TVB电视剧《十月初五的月光》正在热播中！最近，剧情就讲到由胡鸿钧所饰演嘅“文初”同生母再度重逢嘅感人画面，当中胡鸿钧嘅爆喊演技就获得网民两极嘅评论，部份网民认为佢“唔够肉紧”！
《十月初五的月光》获得多项提名！
由胡鸿钧以及何依婷主演嘅电视剧《十月初五的月光》，因为翻拍自经典同名神剧，而引起网民们嘅关注！呢套剧亦抓得住《万千星辉颁奖典礼》嘅尾巴，获得多项提名，而胡鸿钧就凭呢套剧获提名“最佳男主角”、“最受欢迎电视男角色”、“飞跃进步男艺员”、“最受欢迎电视拍档”以及“最受欢迎电视歌曲”五个奖项。
剧情播出至文初与生母重遇！
最近，剧情播出到文初（胡鸿钧）重遇返生母文贵方（杨玉梅），不过生母一直故意避开文初，后来佢仲无理要求文初开口叫“妈妈”。儘管如此，文初依然用心自制纪念册俾生母，成功打动母亲，并愿意再度同佢见面。两人相认时痛哭流涕，场面令人动容，不过生母为咗前程，最终只係向文初提供假地址，再一次伤透文初嘅心！
网民对胡鸿钧喊戏有讚有弹！
以上2幕嘅“相认”场面，胡鸿钧都需要施展佢嘅喊功，对于演技经验尚浅嘅佢而言，难度都算高！对于胡鸿钧今次嘅演出，网民有讚有弹，有网民就大讚胡鸿钧演技比以前进步咗好多“文初演技爆seed”、“睇到一齐喊”等。
网民批评表情过度生硬！
不过亦都有网民认为胡鸿钧嘅喊戏似乎仲有待改进，认为佢喊得好奇怪“喊到好似便秘咁”、“聋哑人士演到变咗弱智人士”等留言，亦有网民将佢同旧作张智霖比较，认为张智霖演绎得比较好！然而，有网民就话可能係因为拍档杨玉梅演技太好，先令到两人有对比，认为胡鸿钧今次嘅表演已经算好好。
获得TVB力捧，资源超多？！
胡鸿钧近年似乎备受TVB力捧，单单係今年颁奖礼就已经获得5个提名，而佢今年初亦从TVB转为邵氏旗下艺人。胡鸿钧除咗做咗电视剧男主角之外，仲可以继续发展自己嘅歌手事业，公司专登为佢度身订做歌曲，喺11月尾仲喺九展举办一连2日嘅演唱会，备受公司重视！