喺大家嘅期盼聲中
突然官宣上線嘅《金宵大廈2》
好快就迎嚟咗大結局
畢竟先得20集
“陳山聰”再次用佢“擅長”嘅
“浴缸浸水穿越大法”
循環回到過去
想要改變女主嘅人生
不斷循環呢個套路
係未好眼熟？
好多網友反應快快咁話：
原來呢次係港版“開端”？
嚴格意義嚟講
《開端》嘅循環換喺時間緯度上
不斷回在公共汽車上
同樣嘅人、同樣嘅事……
《金宵2》嘅循環喺空間緯度上
男女主仲會有唔同嘅“分身”同人設
喺其中一個次元裡面
“雙魚”兩母女過得平淡但幸福
“訪客”嘅母子清貧但充滿希望
姐姐裡面嘅“姐姐”
有自己嘅真·身份
……
其實都幾心頭一暖
陳山聰喺劇中
一陣不顧一切搵“Ella”
一陣又聯手同“Lydia”出動
最後仲情陷“醫生”
……
佢好似“處處留情”（感覺好渣）
卻又表現到“好專情”咁
等你成日搞唔清佢想點
“病人”原來就係“Joey”
你哋又有冇估到咧
最後結局設定係
“醫生”遇見“建築設計師”
唔知到大家收唔收貨？
有網友就表示
雖然有啲唔明白套劇想講咩
不過最後一集帶大家
重溫咗一次《金宵大廈1》
都算係個美麗嘅ending
而除咗主線之外
咁多個單元入面，
《嫁衣》俾到我哋嘅驚喜最大
胡鴻鈞繼“傻更更”石敢當
同“冷冰冰”陳北河之後
又get到一個新嘅奇幻劇角色
詭詭秘秘嘅“控制狂”小程
佢内心焦躁嘅時候
外表keep得住冷靜
狂躁嗰陣
眼色微表情又超有殺氣
緊張女朋友嘅人設
真係演繹得出奇咁到位
連詩雅旗袍造型
靓到沊（dam2）一聲
喜慶紅配金線係中式浪漫嘅配色
玲珑有緻嘅身材線條
彰顯東方女仔嘅特有氣質
除咗Shiga嘅驚喜造型之外
李施嬅都試過
穿上《金宵1》嘅同款旗袍
淺黃底色特别清新可人
配藍色大花花圖案
吸睛程度100分
難怪情陷“Coco”嘅
唔止“旭輝”一個
嗰個年代最磢鏡嘅衫
非旗袍莫屬
旗袍可以完美展現
女性婀娜多姿嘅體态
仲記得“金宵舞廳”衆多靓女
加埋欲拒還迎嘅小披肩
令人瞬間穿越到紫醉金迷嘅大舞廳
除咗旗袍以外
《金宵大廈1&2》裡面
仲有好多靓靓look
都值得大家日常借鑒哦
制服最誘惑
《金宵大廈2》一開波
就係醫生同病人嘅故事
《金宵大廈1》
主要係空姐同保安嘅故事
呢種“制服誘惑”有異曲同工之妙
一身潔白長袍係最經典嘅醫生look
白衣天使一向象征純潔善良
妥妥暗喻李施嬅喺劇中嘅角色
走好人路線
深紫色套裝、紅色絲帶腰帶
再标配黑絲，性感迷人
同樣係制服，一啲都唔死闆
陳山聰嗰句對白：
“阿蕭精神，服務人群”
令觀衆夠嗮印象深刻
而佢嘅制服造型也頗為經典
男裝制服可以話變就變
一件簡簡單單嘅白襯衫
打肽配黃穗绶帶
就係貼地security
改成肩章就即刻變captain
松垮至潇灑
陳山聰喺《金宵大廈1》中
無論做保安，定做飛機師
着裝都系中規中矩嘅職業裝
嚟到《金宵大廈2》
佢飾演一位自己開店嘅咖啡師
同第一部人設有好大唔同
第二部劇中嘅佢
行事作風都好潇灑
“撩女仔”技能堪稱一絕
佢同每個次元嘅“李施嬅”
都許諾“帶你去我嘅世界”
一語雙關咁真係幾冧到人噶
無論係Maurice定係Joey
都中意穿寬大松垮嘅悠閑裝
顯得不羁放縱愛自由
表現呢個人物“渣渣哋”嘅人設
黑白灰嘅配色簡單
勝在夠百搭
最妙嘅係
佢有時2a會襯翻同色系嘅印花襯衫
令到整體造型不至于太單調
有種“浪子”既視感
更加符合佢個角色設定
襯衫顯斯文
如果想要斯文書生feel
一定要試下針織套襯衫
以及set翻個企理嘅油頭
貫穿《金宵大廈》系列嘅
大眼“林哥仔”
就係靠針織衫同襯衫塑造形象
一出場散發濃濃書生氣息
關鍵潮point喺發型度
一絲不苟嘅油頭
俾人精緻又體面嘅感覺
加上溫文儒雅嘅舉止
十足十係飽讀詩書的模樣
《嫁衣》單元中嘅裁縫“小程”
雖然内心占有欲極強
但一身斯文到出汁嘅襯衫加吊帶褲
邊個會估到佢
儒雅外表下竟然心懷鬼胎
由Coco同旭輝開始
到Joey與Ella結束
裡面嘅角色或往返于唔同次元
都係“金宵”各位演員
用唔一樣嘅造型同演技
生動咁為大家
诠釋特定次元裡面嘅“自己”
行出“金宵大廈”之後
有冇get到穿搭新技巧咧
仲想知多啲
記得實時關注Color啦
MORE
今日娛樂看點
對話版《路過人間》好治愈
喺《天賜的聲音》中
胡海泉&房東的貓
合作咗“對話版”嘅《路過人間》
唱盡人生苦短
但既然路過人間
就努力成為自己嘅太陽
黃曉明做“劉畊宏2.0”？
劉畊宏嘅“毽子操”風靡全城
黃曉明都開始喺線上教大家健身操
據聞佢自己都係靠呢套操減重
假期大家可以動起來啦
《良辰好景知幾何》開播
由窦骁、陳都靈主演嘅新劇
今晚即将上線
男主襯衫造型有民國霸總feel
女主會有學生look以及婚紗造型
睇劇名就知道
係談情說愛嘅小甜劇
資料來源：微網誌、劇照、豆瓣
網絡資訊綜合整理
編輯：郭玮
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）