泳儿爱上网收集灵感：欢迎炸我IG 天生硬颈面对负评有独门招数
泳儿早前为了宣传新歌《同归于尽》，在社交网上载戒指相，惹来男友求婚成功的误会，搞到最后要发声明澄清。其实这首另类情歌确实同结婚有关，泳儿更希望歌曲可以成为婚礼的必备歌。对于颁奖礼要陪坐又或面对负评，泳儿有奇怪又独特的的应对方法。
泳儿解释《同归于尽》听落好狠唔太似情歌，但有更深层意思，“开拓一个新嘅求婚字眼，唔係字面咁解，其实係同归于天不尽，讲嘅唔係爱一生一世係爱三生三世，好想有人请我去婚礼唱呢只歌，祝福一对新人行到无尽境界。”创作歌曲时，她将大家的负面情绪转化为正能量，制造一个反差，“我好耐冇做情歌，好想做一隻历年嚟最深层嘅情歌。”
颁奖礼认命做陪坐
泳儿在港台颁奖礼夺3奖，不过在Chill Club颁奖礼，有多项提名的她就未有获奖，她称一向认命陪坐，“有段时间觉得同颁奖礼冇乜缘份，都有认命感觉，外面评价话我陪坐，但唔係得我一个陪坐，都用咗好长时间去等一个肯定，𠵱家可以成为励志嘅例子。”
她又引用杨紫琼在奥斯卡夺奖时的金句，“‘you are ever past your prime’呢句说话好有力量，唔好觉得自己去到尽，就好似我只新歌可以无尽，有呢个信念去不断尝试。”
泳儿坦认近年成绩不俗对制作会更有信心，亦爱在社交平台收集乐迷意见，“好欢迎大家炸我IG，喺里面得到好多灵感启发。”另外，她有独特方法面对负评，“我睇得愈多愈负嘅嘢就会变正，因为我硬颈，好似出《野木兰》时，有人留言‘呢个应该係颠峰嚟’哈哈！等我再颠啲先，同埋有人去攻击你，好过完全冇人理会。”
#娱乐# #娱乐聚焦#
