搜索：睇住林峯食炸鸡 张馨月带囡囡开P狂影个人写真
艺人林峯最近有内地剧《星辰大海》上映，林峯老婆张馨月近日就喺社交网为老公疯狂谷剧，见佢用平板电脑播放老公新剧，前面有生果、炸鸡、饮料等食物，证明佢边食边睇住老公，咁支持老公嘅事业，呢啲老婆边度搵？怪唔之得林峯锡到佢燶。
另外，张馨月带埋1岁几囡囡去参加儿童派对，照片所见囡囡长高唔少，不过例牌得背面相，唔见正面，不过个卡通舞台就变咗张馨月嘅舞台，佢唔放过任何可以影得相嘅地方，即刻将件外套除低，露出肩膀，再加埋跪地POSE，眼神交足戏，即刻变成潮妈，系劲嘅！
搜索：谭耀文进驻数亿三亚豪宅 竟然觉得空虚？
艺人谭耀文（阿谭）与林峯合作拍摄内地剧集《星辰大海》，启播以来外间反应相当不错，近日更稳占全国剧集榜亚军。阿谭于戏内扮演90年代富商枭雄，与林峯及女主角刘涛在商界连番激战，阿谭更要挑战普通话及英语对白，与不少外籍演员斗戏！谈到“语言障碍”，阿谭说：“又冇咩难度，不过埋位前要饮多杯咖啡啰。今次过足戏瘾，因为每种语言表达层次都唔一样，各有各好玩。”
戏中享尽富豪生活，阿谭经常被安排坐游艇出海“倾生意”，三亚外景时他更有机会“进驻”二万呎、时值数亿人民币的豪宅 ，难怪他笑谓：“今次啲景真系好靓，但我觉得如果屋企太大，其实系会令人好空虚嘅。成日对住咁靓嘅景色，真系拍到唔舍得杀青，差啲抽离唔到角色呀。”
搜索：奉子成婚被睇死迟早离婚 汤怡一句话K.O网友
艺人汤怡同老公麦秋成秘密拍拖半年后，今年2月就火速奉子成婚，到6月终诞下囡囡，一家一家三口幸福快乐。但因为二人一开始看似大缆都扯唔埋，而且相识时间咁短就已经奉子成婚，所以外界都有质疑呢段婚姻。日前汤怡又喺社交平台玩“你问我答”，其中有网民话好多人都睇衰佢同老公好快离婚，汤怡即刻发表金句：“一笑置之，我哋两公婆嘅婚姻唔需要任何人认同，多谢关心。”一句简单嘅说话，大方得体又霸气，即刻KO一班酸民！
搜索：张晋请“细仔”高瀚宇食饭 蔡少芬煮到成枱餸
艺人蔡少芬同老公张晋系圈中模范夫妻，张晋之前喺内地真人骚《披荆斩棘的哥哥》，同高瀚宇、白举纲一组，从而建立咗深厚嘅友情，佢哋不但系最佳战友，仲系“父子兵”，因张晋直头当咗佢哋系儿子一样看待，唔单止喺生活上照顾佢哋，畀咗佢哋好多专业意见，而喺节目中佢哋演绎歌曲《MMA》，加入咗武术打斗元素，令人深刻印象！
日前“细仔”高瀚宇去咗张晋屋企食饭，但系“大仔”白举纲就冇去到，张晋留言：“高瀚宇来家吃饭，满足了弟弟妹妹看现场版的《MMA》，小白@白举纲你太忙没来，但好像又来了。#爆美好的生活#”佢话白举纲好似有嚟，系因为佢将白举纲个样P落去佢同高瀚宇嘅合照度，望落一啲违和感都冇，唔少粉丝睇到都话觉得好温馨。而高瀚宇好亲切咁称呼蔡少芬做“芬妈”，蔡少芬当然都唔会待薄高瀚宇，佢大晒贤淑嘅一面，亲自落厨煮咗成枱都系餸，望落去色香味俱全，睇见都想食呀！
搜索：林景程同女友拉埋天窗 林秀怡反串做兄弟
凭剧集《香港爱情故事》演地产经纪人气急升的无綫艺人林景程，早前宣布婚讯，昨日（6日）他与拍拖12年的圈外女友拉埋天窗，在酒店低调进行结婚签字仪式。虽然未有摆酒，但林景程都有邀请不少圈中好友前来分享喜悦，当中除了孙慧雪及谢东闵外，与他合作无间的好友林秀怡更担任兄弟团，林秀怡于社交网大晒当晚合照，并送上祝福：“My闺蜜嘅大喜日子，快啲生个B出嚟畀姐姐抱下。嫂子好可爱，仲要配合chok样，嫂子万岁我爱嫂子。好兄弟结婚，所以又做兄弟。”