搜尋：睇住林峯食炸雞 張馨月帶囡囡開P狂影個人寫真
藝人林峯最近有内地劇《星辰大海》上映，林峯老婆張馨月近日就喺社交網為老公瘋狂谷劇，見佢用平闆電腦播放老公新劇，前面有生果、炸雞、飲料等食物，證明佢邊食邊睇住老公，咁支援老公嘅事業，呢啲老婆邊度搵？怪唔之得林峯錫到佢燶。
另外，張馨月帶埋1歲幾囡囡去參加兒童派對，照片所見囡囡長高唔少，不過例牌得背面相，唔見正面，不過個卡通舞台就變咗張馨月嘅舞台，佢唔放過任何可以影得相嘅地方，即刻将件外套除低，露出肩膀，再加埋跪地POSE，眼神交足戲，即刻變成潮媽，系勁嘅！
搜尋：譚耀文進駐數億三亞豪宅 竟然覺得空虛？
藝人譚耀文（阿譚）與林峯合作拍攝内地劇集《星辰大海》，啟播以來外間反應相當不錯，近日更穩占全國劇集榜亞軍。阿譚于戲内扮演90年代富商枭雄，與林峯及女主角劉濤在商界連番激戰，阿譚更要挑戰國語及英語對白，與不少外籍演員鬥戲！談到“語言障礙”，阿譚說：“又冇咩難度，不過埋位前要飲多杯咖啡啰。今次過足戲瘾，因為每種語言表達層次都唔一樣，各有各好玩。”
戲中享盡富豪生活，阿譚經常被安排坐遊艇出海“傾生意”，三亞外景時他更有機會“進駐”二萬呎、時值數億人民币的豪宅 ，難怪他笑謂：“今次啲景真系好靓，但我覺得如果屋企太大，其實系會令人好空虛嘅。成日對住咁靓嘅景色，真系拍到唔舍得殺青，差啲抽離唔到角色呀。”
搜尋：奉子成婚被睇死遲早離婚 湯怡一句話K.O網友
藝人湯怡同老公麥秋成秘密拍拖半年後，今年2月就火速奉子成婚，到6月終誕下囡囡，一家一家三口幸福快樂。但因為二人一開始看似大纜都扯唔埋，而且相識時間咁短就已經奉子成婚，是以外界都有質疑呢段婚姻。日前湯怡又喺社交平台玩“你問我答”，其中有網民話好多人都睇衰佢同老公好快離婚，湯怡即刻發表金句：“一笑置之，我哋兩公婆嘅婚姻唔需要任何人認同，多謝關心。”一句簡單嘅說話，大方得體又霸氣，即刻KO一班酸民！
搜尋：張晉請“細仔”高瀚宇食飯 蔡少芬煮到成枱餸
藝人蔡少芬同老公張晉系圈中模範夫妻，張晉之前喺内地真人騷《披荊斬棘的哥哥》，同高瀚宇、白舉綱一組，進而建立咗深厚嘅友情，佢哋不但系最佳戰友，仲系“父子兵”，因張晉直頭當咗佢哋系兒子一樣看待，唔單止喺生活上照顧佢哋，畀咗佢哋好多專業意見，而喺節目中佢哋演繹歌曲《MMA》，加入咗國術打鬥元素，令人深刻印象！
日前“細仔”高瀚宇去咗張晉屋企食飯，但系“大仔”白舉綱就冇去到，張晉留言：“高瀚宇來家吃飯，滿足了弟弟妹妹看現場版的《MMA》，小白@白舉綱你太忙沒來，但好像又來了。#爆美好的生活#”佢話白舉綱好似有嚟，系因為佢将白舉綱個樣P落去佢同高瀚宇嘅合照度，望落一啲違和感都冇，唔少粉絲睇到都話覺得好溫馨。而高瀚宇好親切咁稱呼蔡少芬做“芬媽”，蔡少芬當然都唔會待薄高瀚宇，佢大曬賢淑嘅一面，親自落廚煮咗成枱都系餸，望落去色香味俱全，睇見都想食呀！
搜尋：林景程同女友拉埋天窗 林秀怡反串做兄弟
憑劇集《香港愛情故事》演地産經紀人氣急升的無綫藝人林景程，早前宣布婚訊，昨日（6日）他與拍拖12年的圈外女友拉埋天窗，在酒店低調進行結婚簽字儀式。雖然未有擺酒，但林景程都有邀請不少圈中好友前來分享喜悅，當中除了孫慧雪及謝東闵外，與他合作無間的好友林秀怡更擔任兄弟團，林秀怡于社交網大曬當晚合照，并送上祝福：“My閨蜜嘅大喜日子，快啲生個B出嚟畀姐姐抱下。嫂子好可愛，仲要配合chok樣，嫂子萬歲我愛嫂子。好兄弟結婚，是以又做兄弟。”