葉蘊儀說：「我好有信心，我覺得呢部戲喺金像獎一定有機會啦！唔關我事呀，冇想過我自己，哈哈！我隻系一個有幸參與的人！」說的是最近勁好口碑、人人皆說是年度最佳港片，票房已近二千萬的《正義回廊》。葉蘊儀在片中飾演陪審團一員，戲份不重，但片末卻有一場重要對白。
闊别銀幕9年，對上一出是2013年客串的《狂舞派》，為怕演技生疏，今次特别找來專業acting coach導師幫助入戲。「我又唔覺得話系咩複出，依家想拍一啲有訊息有意義慨電影。」玩票性質，最緊要有訊息、做得開心，49歲葉蘊儀最近更進軍YouTube界，拍片講MIRROR又談兩餸飯熱潮，夠曬貼地氣。
在《正義回廊》演一個退休教師，其實開過藝術學校辦過不同展覽，藝術家身份的葉蘊儀，也真是個教師。她笑說：「我自己都系藝術方面的老師，不過就未去到退休啰！有啲粉絲喺我個page留言，話『你點似一個退休老師呀？你咁慨年紀！」我覺得又冇乜所謂慨！」
為怕自己演技生疏，特别找來導師（演藝學院出身、導演的演員朋友毛晔穎）教戲，「我有一個好長慨獨白，我咁耐冇拍過電影，呢部又系一個serious電影，唔系就咁噏咗就算。我知道渠哋有acting coach教唔同演員，我覺得自己可能有啲生疏，可唔可以俾一個coach我，俾我可以練習得講得好啲，我覺得好大幫助㗎！」
葉蘊儀對電影其實一點不陌生，她13歲已經被星探發掘拍廣告，1988年與元彪合演的《孔雀王子》一炮而紅，在港台日韓等地大受歡迎，紅到進軍日本市場，更出過日文碟。一臉可愛無害的娃娃臉，好早已成功沖出香港。不過，葉蘊儀說，從來不會重溫自己的電影演出，對少女時代的記憶已很模糊，「我對少女時代的印象好模糊，可能自己太細，其實就系遊魂，好懷念可能就系嗰種好随性，公司又冇咩壓力，都系由得我自由發揮，隻系人哋可能架構咗，覺得你好得意或者你好靓，但系我細個唔覺得自己好得意，我其實比較男仔頭性格，不過我個樣好女仔。你話靓唔靓，細個唔識呢啲嘢，哈哈！」
藝人與藝術家，葉蘊儀說兩個身份都OK，「我兩樣都系啰，因為你一日做咗藝人，系唔可以甩㗎！」2019年出的「寫真」，葉蘊儀強調是影集，隻是她其中一個art project，期間卻鬧出版權官司，早前更有說她将會拍下更大膽的？「依家個官司就完咗，我拿回了所有相片版權。當其時我唔系想影一個乜嘢突破寫真集，呢個系我一個藝術project，同女性主義有關，去講一啲message。你用一個娛樂角度去睇會覺得，嘩，點解你會去做呢啲嘢？你會唔會下次再大膽啲？大唔大膽，隻不過我系想有一個訊息帶出來，想人哋去反思呢樣嘢啫！」
那時純影集推出後，不久就遇上疫情，葉蘊儀說，和大多數人一樣，她也經曆過一段黑暗期，「因為疫情，有好多嘢都靜止咗，我谂大家都系一樣啦！有陣時我會見到啲報道，會覺得我生活有問題？寫到天花龍鳳，但系你又冇問過我！我生活得好好，因為我個仔已經讀完書出嚟做嘢、我個女仲有一年就畢業，是以我已經好開心，可以自由身做吓自己嘢！」仔女都在外地生活，26歲大仔陳紹臻從事IT工作、23歲女兒陳紹珩則尚有一年碩士畢業，葉蘊儀說「差不多任務完成」。
終于可以做多些「自己嘢」，除了藝術工作，最近正在學習日本花道和水墨畫等，也因為疫情，開了另一瓣，當了YouTuber，自己揸機拍片學埋剪片。「就系因為疫情，我覺得要做啲嘢，我個意思系郁動，唔系話要攞啲乜嘢，我就谂吓不如去拍YouTube Channel啦，又冇乜蝕慨，等人哋睇吓自己又有啲嘢，起碼每個禮拜都會谂啲嘢嚟做，唔好話擺喺度吽啦！」
下年迎接50歲人生下半場，葉蘊儀說已經習慣一個人生活。她1995年閃嫁玩具商人陳柏浩，可惜婚姻隻維持了5年，離婚後獨力養大子女，一直是個稱職單親媽媽，「我慣咗一個人咁耐，未必會特登要去搵個伴啰！冇乜追求者喎，呢個疫情，大家都冇咩出嚟啦！我非常enjoy自己一個人，想做咩都得，唔使要考慮另一半，我會唔會阻到你呀，或者我成晚留喺studio做嘢，會唔會忽略咗你呀。長遠來講，你問我要唔要（伴），我唔可以答你，因為我現在都唔知！」
上半場過得很精彩，下半場，留多一些給自己、給香港。「下半場擺多啲時間系自己創作，如果有一啲适合的電影角色又有message，我都會想做。」關于移民，葉蘊儀好肯定地說：「我系留低慨人，就做留低慨嘢啦！留低慨人，梗系愛香港先至會留低，唔代表我唔會去第二啲地方，去旅行我系會去。我留得喺香港，梗系為呢一笪地方做一啲貢獻啦，系咪先？例如可以拍到一套咁好的港産片！」
