叶蕴仪说：「我好有信心，我觉得呢部戏喺金像奖一定有机会啦！唔关我事呀，冇想过我自己，哈哈！我只系一个有幸参与的人！」说的是最近劲好口碑、人人皆说是年度最佳港片，票房已近二千万的《正义回廊》。叶蕴仪在片中饰演陪审团一员，戏份不重，但片末却有一场重要对白。
阔别银幕9年，对上一出是2013年客串的《狂舞派》，为怕演技生疏，今次特别找来专业acting coach导师帮助入戏。「我又唔觉得话系咩复出，依家想拍一啲有讯息有意义慨电影。」玩票性质，最紧要有讯息、做得开心，49岁叶蕴仪最近更进军YouTube界，拍片讲MIRROR又谈两餸饭热潮，够晒贴地气。
在《正义回廊》演一个退休教师，其实开过艺术学校办过不同展览，艺术家身份的叶蕴仪，也真是个教师。她笑说：「我自己都系艺术方面的老师，不过就未去到退休啰！有啲粉丝喺我个page留言，话『你点似一个退休老师呀？你咁慨年纪！」我觉得又冇乜所谓慨！」
为怕自己演技生疏，特别找来导师（演艺学院出身、导演的演员朋友毛晔颖）教戏，「我有一个好长慨独白，我咁耐冇拍过电影，呢部又系一个serious电影，唔系就咁噏咗就算。我知道渠哋有acting coach教唔同演员，我觉得自己可能有啲生疏，可唔可以俾一个coach我，俾我可以练习得讲得好啲，我觉得好大帮助㗎！」
叶蕴仪对电影其实一点不陌生，她13岁已经被星探发掘拍广告，1988年与元彪合演的《孔雀王子》一炮而红，在港台日韩等地大受欢迎，红到进军日本市场，更出过日文碟。一脸可爱无害的娃娃脸，好早已成功冲出香港。不过，叶蕴仪说，从来不会重温自己的电影演出，对少女时代的记忆已很模糊，「我对少女时代的印象好模糊，可能自己太细，其实就系游魂，好怀念可能就系嗰种好随性，公司又冇咩压力，都系由得我自由发挥，只系人哋可能框架咗，觉得你好得意或者你好靓，但系我细个唔觉得自己好得意，我其实比较男仔头性格，不过我个样好女仔。你话靓唔靓，细个唔识呢啲嘢，哈哈！」
艺人与艺术家，叶蕴仪说两个身份都OK，「我两样都系啰，因为你一日做咗艺人，系唔可以甩㗎！」2019年出的「写真」，叶蕴仪强调是影集，只是她其中一个art project，期间却闹出版权官司，早前更有说她将会拍下更大胆的？「依家个官司就完咗，我拿回了所有相片版权。当其时我唔系想影一个乜嘢突破写真集，呢个系我一个艺术project，同女性主义有关，去讲一啲message。你用一个娱乐角度去睇会觉得，哗，点解你会去做呢啲嘢？你会唔会下次再大胆啲？大唔大胆，只不过我系想有一个讯息带出来，想人哋去反思呢样嘢啫！」
那时纯影集推出后，不久就遇上疫情，叶蕴仪说，和大多数人一样，她也经历过一段黑暗期，「因为疫情，有好多嘢都静止咗，我谂大家都系一样啦！有阵时我会见到啲报道，会觉得我生活有问题？写到天花龙凤，但系你又冇问过我！我生活得好好，因为我个仔已经读完书出嚟做嘢、我个女仲有一年就毕业，所以我已经好开心，可以自由身做吓自己嘢！」仔女都在外地生活，26岁大仔陈绍臻从事IT工作、23岁女儿陈绍珩则尚有一年硕士毕业，叶蕴仪说「差不多任务完成」。
终于可以做多些「自己嘢」，除了艺术工作，最近正在学习日本花道和水墨画等，也因为疫情，开了另一瓣，当了YouTuber，自己揸机拍片学埋剪片。「就系因为疫情，我觉得要做啲嘢，我个意思系郁动，唔系话要攞啲乜嘢，我就谂吓不如去拍YouTube Channel啦，又冇乜蚀慨，等人哋睇吓自己又有啲嘢，起码每个礼拜都会谂啲嘢嚟做，唔好话摆喺度吽啦！」
下年迎接50岁人生下半场，叶蕴仪说已经习惯一个人生活。她1995年闪嫁玩具商人陈柏浩，可惜婚姻只维持了5年，离婚后独力养大子女，一直是个称职单亲妈妈，「我惯咗一个人咁耐，未必会特登要去搵个伴啰！冇乜追求者喎，呢个疫情，大家都冇咩出嚟啦！我非常enjoy自己一个人，想做咩都得，唔使要考虑另一半，我会唔会阻到你呀，或者我成晚留喺studio做嘢，会唔会忽略咗你呀。长远来讲，你问我要唔要（伴），我唔可以答你，因为我现在都唔知！」
上半场过得很精彩，下半场，留多一些给自己、给香港。「下半场摆多啲时间系自己创作，如果有一啲适合的电影角色又有message，我都会想做。」关于移民，叶蕴仪好肯定地说：「我系留低慨人，就做留低慨嘢啦！留低慨人，梗系爱香港先至会留低，唔代表我唔会去第二啲地方，去旅行我系会去。我留得喺香港，梗系为呢一笪地方做一啲贡献啦，系咪先？例如可以拍到一套咁好的港产片！」
