#有那些屬于你的家鄉獨特記憶#
在未離家鄉之前，我最喜歡呢個季節＜從兒時起>，就係呢個季節最多水果食嘅，有荔枝，龍眼，鳳梨蜜，秋果，柚子，葡萄等水果，食咗一批又一批。就是沒有蘋果，雪梨。
依家荔枝同埋葡萄都砍埋，是做咗高速路，依家緊剩，龍眼，鳳梨蜜，秋果，柚子就係呢幾種水果。今年呢啲龍眼又無打子嘅，大概一百多棵，拾返都無二斤龍眼，唉，舊年龍眼多到翻埋樹。今年鳳梨都係一般，每棵樹都有埋十幾個，呢啲柚子又多啰，壓彎咗樹，唔係柚子未熟，就係鳳梨熟咗，呢啲鳳梨熟到黃咗，香氣四竄。
琴日，返咗鄉，捰咗一個鳳梨返嚟，家裡呢啲鳳梨真係香嘅，放咗一個鳳梨在廳中，滿屋都香埋，就係在街市上賣嘅鳳梨點樣都唔香，點解呢？
琴日捰返呢隻鳳梨係個幹苞嘅，呢啲鳳梨分有二種類，有啲幹苞，有啲濕苞。我地種咗五棵鳳梨樹，三棵濕苞，二棵幹苞。鳳梨濕苞嘅特點就係甜，滑，香，化渣。鳳梨幹苞嘅特點又係清甜，脆，香，化渣。不過無論鳳梨幹，濕苞都有其獨特嘅味道。各位朋友你地中意咩嘢鳳梨苞呢？請你講下你喜歡嘅味道。
