謝天華内地爆紅無時間返香港，想同家燕姐開拍《皆大歡喜》續集！
最近家燕姐、範振鋒及思敏，逢周六于新城電台主持的《開心大放送》也改了用ZOOM做直播，今集邀請了久未在港露面的謝天華做嘉賓。
早前在内地忙完綜藝節目《披荊斬棘的哥哥》及《大灣仔的夜》的謝天華，趕返香港與家人過年，并答應了家燕姐上節目大談近況，離港8個月天華坦言挂住老婆仔女，「上去時間一定長，唔可以随時搭飛機返香港，返嚟又要隔離，隔離28日我都試過。其實上面仲有工作，做完《大灣仔》返嚟香港過年、過節，我覺得自己系不孝子，搵食無可避免。」天華回來時打算給小朋友surprise，叫太太不要告訴孩子，7歲的大仔天天，看到爸爸回家時，竟呆了兩秒，如在夢中。
提到拍攝《披荊斬棘》時，與小春、林曉峰、MC Jin同房，「我由細到大未試過同其他人住宿舍，四條麻甩叔同房，仲要俾人警告唔好講咁多廣東話，我哋話盡量，但轉頭又唔記得，我哋基本上冇早瞓過……宿舍系好懷念，歡樂時光特别快，拍完之後個宿舍要拆，好多回憶，收工大家喺度Man’s talk。」家燕姐搞笑問：「都系講女人嗎？」天華哈哈大笑說：「女人講家燕姐，講家燕姐都講一個通宵啦！」
家燕姐講到天華于《披荊斬棘》和《大灣仔》廚藝了得，天華謙虛話：「講真，我哋一啲都唔叻，當我哋要經營餐廳系幼稚園，屋企煮飯食都ok，開門做生意煮嘢俾人食系兩碼子事，低估咗件事，開餐廳四條友煮嘢食，同客人傾吓偈，一起身就要拍，邊個系店長？邊個負責買餸？廚房廚具、碗碗碟碟都系自己買，真系攰到死……」
家燕姐在《薛家燕愛你無限60年演唱會》邀請了天華當嘉賓及伴舞，家燕姐話：「好多人睇咗我哋part舞都贊，反應好好，本來有幾場巡回都想請天華，我驚又肥咗渠抱唔起，又驚唔記得點跳。」天華笑說：「我哋改動作，改踎低，最後嗰part可以改家燕姐抱番我，哈哈……」
講到新一年大計，天華話：「有幾個方向，電影、網劇(網大)，真人騷亦有，仲有演唱會，系拼盤演唱會，即系好多artists慨演唱會，(你哋大灣仔都可以開騷？)谂緊要就5個人個期，可能第時大家喺唔同空間都可以開到演唱會……」
而節目中，亦有網民提議TVB開拍《皆大歡喜》續集，皆因已經快20周年，天華說：「拍《皆大歡喜》我哋玩得嚟唔胡鬧，睇得觀衆又有啲道理，如果要開拍，我劇中對孖仔都20歲喇！」
#娛綜大賞#
