谢天华内地爆红无时间返香港，想同家燕姐开拍《皆大欢喜》续集！
最近家燕姐、范振锋及思敏，逢周六于新城电台主持的《开心大放送》也改了用ZOOM做直播，今集邀请了久未在港露面的谢天华做嘉宾。
早前在内地忙完综艺节目《披荆斩棘的哥哥》及《大湾仔的夜》的谢天华，赶返香港与家人过年，并答应了家燕姐上节目大谈近况，离港8个月天华坦言挂住老婆仔女，「上去时间一定长，唔可以随时搭飞机返香港，返嚟又要隔离，隔离28日我都试过。其实上面仲有工作，做完《大湾仔》返嚟香港过年、过节，我觉得自己系不孝子，搵食无可避免。」天华回来时打算给小朋友surprise，叫太太不要告诉孩子，7岁的大仔天天，看到爸爸回家时，竟呆了两秒，如在梦中。
提到拍摄《披荆斩棘》时，与小春、林晓峰、MC Jin同房，「我由细到大未试过同其他人住宿舍，四条麻甩叔同房，仲要俾人警告唔好讲咁多广东话，我哋话尽量，但转头又唔记得，我哋基本上冇早瞓过……宿舍系好怀念，欢乐时光特别快，拍完之后个宿舍要拆，好多回忆，收工大家喺度Man’s talk。」家燕姐搞笑问：「都系讲女人吗？」天华哈哈大笑说：「女人讲家燕姐，讲家燕姐都讲一个通宵啦！」
家燕姐讲到天华于《披荆斩棘》和《大湾仔》厨艺了得，天华谦虚话：「讲真，我哋一啲都唔叻，当我哋要经营餐厅系幼稚园，屋企煮饭食都ok，开门做生意煮嘢俾人食系两码子事，低估咗件事，开餐厅四条友煮嘢食，同客人倾吓偈，一起身就要拍，边个系店长？边个负责买餸？厨房厨具、碗碗碟碟都系自己买，真系攰到死……」
家燕姐在《薛家燕爱你无限60年演唱会》邀请了天华当嘉宾及伴舞，家燕姐话：「好多人睇咗我哋part舞都赞，反应好好，本来有几场巡回都想请天华，我惊又肥咗渠抱唔起，又惊唔记得点跳。」天华笑说：「我哋改动作，改踎低，最后嗰part可以改家燕姐抱番我，哈哈……」
讲到新一年大计，天华话：「有几个方向，电影、网剧(网大)，真人骚亦有，仲有演唱会，系拼盘演唱会，即系好多artists慨演唱会，(你哋大湾仔都可以开骚？)谂紧要就5个人个期，可能第时大家喺唔同空间都可以开到演唱会……」
而节目中，亦有网民提议TVB开拍《皆大欢喜》续集，皆因已经快20周年，天华说：「拍《皆大欢喜》我哋玩得嚟唔胡闹，睇得观众又有啲道理，如果要开拍，我剧中对孖仔都20岁喇！」
#娱综大赏#
