熱播嘅《家族榮耀》
劇情繼續反轉再反轉
大家有冇沉迷呢趟“倒轉地球”咧？
尋晚最新嘅劇情最後
“大仙”飾演嘅馬展鴻
同楊茜堯版“二嫂”甄芯
邊錫邊轉8個圈上曬熱搜仲入埋房
而李彩桦扮演嘅“三嫂”賈洛儀
令人估唔到咁突然“黑切白”
佢究竟真心定假意？
會唔會再翻轉呢？
而近期最令人O嘴嘅情節
大概就係一直戲份唔重、
但努力搭話、蹭鏡頭嘅
“爛賭二”表舅父
竟然係賈洛儀嘅親生爸爸
！！！
佢之前嘅人設
扮到“咩都唔關自己事”
但暗地裡各種占便宜
實事完成唔到幾件
耍住無關痛癢嘅小手段
觀衆都唔覺得佢冇咩睇頭
（甚至覺得佢有啲煩哈哈哈）
自從佢知道自己同“三嫂”嘅關系後
就開啟咗“舔狗”式認女大行動
各種有愛又“愚昧”嘅行動
顯得佢又有啲啲可愛
先係“無端百事送紅棗”
平時隻會同人摸酒杯底嘅大男人
今鋪準備補身紅棗俾個女
顯得體貼又暖心
之但係“三嫂”覺得
呢個“表舅父”無事獻殷勤
一定有輘輷（音同“警轟”）
送紅棗行唔通
就改變政策送“美好的環境”
除咗大肆布置搞升職歡迎儀式之外
仲特别配置空氣清新機俾囡囡
（嚴重懷疑有植入）
最後就以拖闆漏電收場
搞到公司跳閘、影響大家工作
俾“三嫂”落“限制令”
唔再俾佢靠近自己嘅辦公區域
表舅父吃力不讨好之後
俾佢又搵到另一個“突破口”
從賈洛儀嘅青梅竹馬男閨蜜
“程峰”身上落手
希望佢可以幫自己美言幾句
原諒自己過去嘅錯誤
唔知最後“三嫂”會唔會接受翻
呢個努力彌補過失嘅爸爸
見到“表舅父”咁努力
大家可以感受到佢嘅悔過之心
而且也相信佢一定有隐情同苦衷
現實生活中
“表舅父”嘅扮演者艾威
都係一個重感情有擔當嘅好男人
前段時間佢就拍埋前妻
夾份搞鐘表生意
雖然兩人當初因為性格不和
最終喺2020年結束咗18年嘅婚姻
但如今再見依然是朋友
早前因為太太身患重病
艾威仲不惜摞出成副身家幫佢醫病
有媒體仲“借題發揮”
cut出佢錄制體驗節目嘅片段
話佢破産、要淪為油站加油工添
其實艾威都有澄清
自己經濟冇問題
雖然離婚後同前妻
已經離開原本生活嘅地方
但依家有“仔仔一樣”嘅愛犬
陪住自己
而前妻亦話依家自己更自在
同艾威亦已經係家人
難得兩人分開都仲可以互相祝福
可以稱得上圈中嘅“模範離婚夫婦”啦
感情嘅事
如人飲水冷暖自知
作為成年人就應該咁樣
好聚好散，和和氣氣
無論一齊定分開
都系為了更好嘅生活先啱！
你哋話系唔系呢？
MORE
今日娛樂看點
王俊凱變真·“刺猬”
王俊凱同葛優合作電影《刺猬》
今日發出嘅先導片中
小凱嘴巴&手上
都被針紮變成真“刺猬”咁
呢個又系咩劇情呢？
陳飛宇《淘金》演技爆發
喺新劇《淘金》入面
陳飛宇遭人污蔑、被砍手指
倔強不服輸的樣子代入感好強
演技同爆發力讓人眼前一亮
劉雨昕新歌上線
劉雨昕嘅新歌《飓》
苗族唱腔神秘又空靈
同HipHop曲風完美融合
每次聽都會有“昕”驚喜
資料來源：豆瓣、微網誌
網絡資訊綜合整理
編輯：郭玮
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。