热播嘅《家族荣耀》
剧情继续反转再反转
大家有冇沉迷呢趟“倒转地球”咧？
寻晚最新嘅剧情最后
“大仙”饰演嘅马展鸿
同杨茜尧版“二嫂”甄芯
边锡边转8个圈上晒热搜仲入埋房
而李彩桦扮演嘅“三嫂”贾洛仪
令人估唔到咁突然“黑切白”
佢究竟真心定假意？
会唔会再翻转呢？
而近期最令人O嘴嘅情节
大概就係一直戏份唔重、
但努力搭话、蹭镜头嘅
“烂赌二”表舅父
竟然係贾洛仪嘅亲生爸爸
！！！
佢之前嘅人设
扮到“咩都唔关自己事”
但暗地里各种占便宜
实事完成唔到几件
耍住无关痛痒嘅小手段
观众都唔觉得佢冇咩睇头
（甚至觉得佢有啲烦哈哈哈）
自从佢知道自己同“三嫂”嘅关系后
就开启咗“舔狗”式认女大行动
各种有爱又“愚昧”嘅行动
显得佢又有啲啲可爱
先係“无端百事送红枣”
平时只会同人摸酒杯底嘅大男人
今铺准备补身红枣俾个女
显得体贴又暖心
之但係“三嫂”觉得
呢个“表舅父”无事献殷勤
一定有輘輷（音同“警轰”）
送红枣行唔通
就改变策略送“美好的环境”
除咗大肆布置搞升职欢迎仪式之外
仲特别配置空气清新机俾囡囡
（严重怀疑有植入）
最后就以拖板漏电收场
搞到公司跳闸、影响大家工作
俾“三嫂”落“限制令”
唔再俾佢靠近自己嘅办公区域
表舅父吃力不讨好之后
俾佢又搵到另一个“突破口”
从贾洛仪嘅青梅竹马男闺蜜
“程峰”身上落手
希望佢可以帮自己美言几句
原谅自己过去嘅错误
唔知最后“三嫂”会唔会接受翻
呢个努力弥补过失嘅爸爸
见到“表舅父”咁努力
大家可以感受到佢嘅悔过之心
而且也相信佢一定有隐情同苦衷
现实生活中
“表舅父”嘅扮演者艾威
都係一个重感情有担当嘅好男人
前段时间佢就拍埋前妻
夹份搞钟表生意
虽然两人当初因为性格不和
最终喺2020年结束咗18年嘅婚姻
但如今再见依然是朋友
早前因为太太身患重病
艾威仲不惜摞出成副身家帮佢医病
有媒体仲“借题发挥”
cut出佢录制体验节目嘅片段
话佢破产、要沦为油站加油工添
其实艾威都有澄清
自己经济冇问题
虽然离婚后同前妻
已经离开原本生活嘅地方
但依家有“仔仔一样”嘅爱犬
陪住自己
而前妻亦话依家自己更自在
同艾威亦已经係家人
难得两人分开都仲可以互相祝福
可以称得上圈中嘅“模范离婚夫妇”啦
感情嘅事
如人饮水冷暖自知
作为成年人就应该咁样
好聚好散，和和气气
无论一齐定分开
都系为了更好嘅生活先啱！
你哋话系唔系呢？
MORE
今日娱乐看点
王俊凯变真·“刺猬”
王俊凯同葛优合作电影《刺猬》
今日发出嘅先导片中
小凯嘴巴&手上
都被针扎变成真“刺猬”咁
呢个又系咩剧情呢？
陈飞宇《淘金》演技爆发
喺新剧《淘金》入面
陈飞宇遭人污蔑、被砍手指
倔强不服输的样子代入感好强
演技同爆发力让人眼前一亮
刘雨昕新歌上线
刘雨昕嘅新歌《飓》
苗族唱腔神秘又空灵
同HipHop曲风完美融合
每次听都会有“昕”惊喜
资料来源：豆瓣、微博
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。