杨潮凯儿子出世 喊声惊人中气十足
前TVB男星杨潮凯与圈外女友江玉仪婚后育有一女杨心悦。今日他透过社交平台公布喜讯，透露儿子「鸡蛋仔」Cayden已经出世，母子平安。他以儿子身份报平安，表示：「大家好，我叫Cayden，大家可以叫我鸡蛋仔，我一出世就喊得好大声，中气十足，大家多多指教！妈咪同我都好好，母子平安，多谢医院嘅医生同护士姐姐，一出世就照顾我，帮我冲凉同换片。听讲我有个好锡我嘅家姐叫Catherine BB，我都想快啲见到佢啊。」杨潮凯更借儿子的话赞太太：「爸爸见到我就话I love you，睇落呢个爸爸应该都OK，妈咪就直头冇得顶啦，又靓又叻！」网民留言送上祝福。
龙婷离港避风头 疑遭雪藏被飞出慈善骚
《中年好声音》龙婷早前被断正与资深演唱会制作人丘亚葵在车厢「Hello Kiss」，掀起全城热议，龙婷因此曝光率大减，原定的工作也被叫停，更有传她被无线雪藏。早前龙婷与周吉佩、古淖文、谭辉智及曾比特等一众歌手为《星光熠熠耀保良》作宣传，她本应有份于8月10日为节目担任表演嘉宾，但因绯闻缠身而被飞出演出名单。对此，节目监制何小慧回应称获无线告知龙婷近期不在香港，所以到时无法参与演出。
蔡卓妍出道24周年 感性文答谢粉丝沿途相伴
艺人蔡卓妍（阿Sa）在娱乐圈独当一面，出道至今红透半边天，早前与锺欣潼（阿娇）合体完成14场Twins 22周年演唱会，现正在内地举行巡唱场场爆满，人气高企，成绩有目共睹。昨日（1日）是阿Sa出道24周年，她有感而发在社交平台发文，表示：「见到你们嘅提醒同祝福，我先记得，今日系我出道24周年。虽然呢一刻因为连续几日10几个钟拍摄嘅工作而仲摊喺张床度，但系我一路睇住你哋嘅post，内心系非常澎湃嘅。」
同时，她多谢粉丝多年来的相伴，表示：「见到大家拍嘅视频，大家嘅留言，好多画面都喺我个脑里面出现。虽然今日仍然系普通嘅一日，我哋各自喺自己嘅生活轨迹里面对各自嘅工作同生活，但系呢一日你哋会用心记住，帮我庆祝，对我嚟讲系好特别嘅，特别感恩呢一路都有你哋相伴，亦都多谢我自己一路嘅坚持，感谢嘅说话我唔多讲喇，在心中！我相信你哋都知道，你哋用咗咁多时间嚟了解我，然后仍然支持我，呢个真系一个莫大嘅鼓励同感动，蔡卓妍会继续努力！」
黄翠如佩服方力申的专业：真系好厉害
无线艺人黄翠如与方力申(小方)及摄制队齐齐于巴黎为奥运进行采访，今次翠如主要介绍奥运村、场馆及周围的旅游信息，一些奥运比赛的专业采访则由小方及其他专业主持担任。于开幕前夕，畏高的翠如因为要爬上铁架上进行直播而爆喊，当时小方就「暖男」上身，不停安慰及鼓励。
连日小方等人不用做比比赛项目采访时，都有跟翠如同行周围我一齐拍摄，翠如接受访问时谓:「我觉得小方同其他主持都好叻，佢哋要识好多体育知识同做功课，先可以问到问题，体育传媒要做实时访问真系唔容易，大家都好厉害。」翠如又于场内偷拍小方坐埋一边做功课时的相片，她谓:「佢当时喺度谂紧要问啲咩问题，我觉得佢好专业呀，非常佩服。」
翠如当然亦有入场看某些比赛，香港队江旻憓及何诗蓓比赛时她都有入场「观战」，翠如坦言:「真系好紧张，现场睇Vivian嘅剑击比赛时，因为对手系法国主场，现场都主要系法国人，感受到Vivian嘅心理压力，一路睇一路感受到佢心脏好强大，现场好多人一齐嗌法国队，佢可以慢慢赢番真系好感动，所有人都大嗌。」
麦明诗爆盛劲为真面目 镜头前后两个样
十优港姐麦明诗同飞机师盛劲为，于今年3月正式拉埋天窗，婚后不时透过社交网晒恩爱嘅佢哋，日前麦明诗更晒出老公盛劲为帮佢熨裙嘅影片，并相当温柔咁讲：「唔该晒！」而盛劲为更系一脸甜蜜咁应道：「我本分嚟嘅！」认真闪到盲之余，向来古灵精怪嘅麦明诗更写道：「冇镜头嗰时唔系咁讲嘅！」大踢爆盛劲为鲜为人知一面，认真搞笑。