邓兆尊直指港姐亚军王怡然超双面，笑言对方可食住个势：做八婆位包你红过冠军
油管频道“田豪祖3宝”由贵花田、曾志豪和王耀祖主持，三人就时事、社会和娱乐话题讨论，最新一集（8月31日）请来邓兆尊作嘉宾。一开始佢哋就“偶像艺人係咪唔可以反击hater”作话题，又讨论Edan吕爵安以千字文回应haters一事，之后王耀祖就提到今届香港小姐亚军王怡然。事关王怡然本为内地网红，当选后被爆父母于内地疑骗财千万潜逃香港，王怡然受访时情绪失控一度中止访问，及后又缺席活动。王耀祖直言唔讨论王怡然父母嘅传闻係咪事实，反而想讲下王怡然最新被爆出嘅黑历史影片。片段已从王怡然小红书删走，但内容上係王怡然大闹餐厅服务员，直斥店员摆款佢睇，其面目狰狞样貌与选港姐时嘅甜美模样相差极远，邓兆尊睇完之后表示叫王怡然食住呢个水做双面人：“冇所谓啦，经一事长一智，将来尽量拍少啲，或者食住呢个水，做双面（人），一定会好出位。丑生永远冇咁难争，去做八婆呢个位，包你红过冠军好多，食住上，真呀！苑琼丹都係咁，又靓又係八婆真係好少，香港人就係锺意睇真面目。”
邓兆尊直指港姐亚军王怡然超双面 笑言对方可食住个势：做八婆位包你红过冠军
应届港姐亚军王怡然（Lynn）
邓兆尊更嘲笑王怡然好犀利，表示若选港姐时用呢个方法演已经攞咗冠军；贵花田补充指，王怡然于决赛当晚一紧张就用英语回答问题，而并非片中流利嘅普通话，邓兆尊则回应指王怡然超双面：“呢啲咪就係家教囉，双面好厉害，好多靓女一开口冇晒分啦，呢啲呃唔到人，正所谓‘天知地知互联网知’，唔好乱咁拍嘢呀后生女！”又指，呢啲性格几靓都唔会要。
“田豪祖3宝”影片截图
节目又提到，落选佳丽陈怡名台上黑面及赛后与另一落选佳丽胡睿涵分别于社交平台发文疑不满赛果一事，前者预告将会爆料；后者则疑暗寸冠军庄子璇“好能装”。邓兆尊鼓励陈怡名兑现爆料承诺：“商机嚟呀14号，尽爆，赚番多啲Followers、赚番多啲钱，攞番安慰奖，都係好事。”，又笑指建议TVB签约嗰阵加多个条款落去：“唔准乱讲嘢，唔准黑面，如果唔係就罚款一百万，咁TVB好快就有盈利！唔好乱讲嘢，讲错一百万！而家选美貌同智慧呀嘛，唔係选性格，性格差唔代表要扣分。”