TVB御用保安专访丨问到71岁资深演员陈勉良有无想过退休？他说，「因为个仔仲读紧书，所以冇谂过退休，而家个仔15岁，所以自己嚟讲，希望可以仲做到10年8载，但亦要睇机会，唔系百分百你想做就实得，要睇公司问题，自己教画画，都要睇自己体能精神，所以尽量做，到自己冇能力啦，唔得慨时间就冇办法啦！
「仲有一样嘢，要照顾好自己慨身体，你先希望可以驳长条命，享受人生。我身体过得去啦，但好容易有啲风寒、湿啦，所以有少少唔妥，我都要调理同埋食中药，而家行楼梯好容易索气，跑得快啲都索气。」
在TVB工作30多年开心吗？ 「当然开心多过唔开心，如果唔系喺呢行好难做，咁多人做嘢，仲要搲啲嘢来做，当然我唔系话去冤得咁紧要先有嘢做，间中都会有啲，同埋有啲监制都好好，畀啲机会我做吓嘢；至于话唔开心，例如做戏做得唔系咁好、NG多几次，自己都唔开心啦，呢啲好正常。」当年入行对娱乐圈零兴趣，结果却在圈中浸淫数十年，良叔现在钟意演戏了吗？ 「好似有啲戏瘾，但系而家年纪大咗，记性差咗啲，有时太过长慨对白，自己真系要分段先记到。」
虽然只是一名「演员仔」，但良叔却识到了一班好友，「懋叔（已故资深演员黄新、处境剧《香港八一》系列饰演「懋叔」)啦、波姐（冯素波)啦、罗浩楷啦，罗浩楷系我半个师傅，渠又系好搏命工作，搵我排吓戏、操吓剧本，我仲欠渠一样嘢，应承咗写张画畀佢。懋叔嗰阵时都教我好多嘢，古装剧对白太长，『你cut啲啦，唔顺口你咪改番顺啰！ 』但懋叔唔同喎，渠学问好啲喎，咁就情况有别啦！
「仲有丹爷（刘丹)，当年喺坚城录影厂嗰阵时，有个茶水档，我哋喺度饮茶倾偈，点不知有保安揸架电单车飙上嚟，几乎撞到丹爷，我即刻叫丹爷走开，系有少少惊险慨，唔好讲系救命恩人，等于见到有人过马路，有车嚟，你都会叫睇车呀，好普通慨事。」入行45年有不少难忘经验，特别深刻印象的，是70年代拍《欢乐今宵》节目《旅游孖宝》，「我哋嗰阵时冻到抽筋，4度喺屯门龙鼓滩拍，仲要着住短袖衫；仲有电视剧《他的一生》，嗰阵时喺东坪洲拍，又系冻到好得人惊，大风到唔拍得。」
想当年，良叔变得滔滔不绝，7、80年代的人事物都是美好的回忆，那些年的电视圈充满人情味，「系，啲人都唔同，思想、人情都唔同，好简单，嗰阵时我想考训练班，想体验吓跳弹床，因为做特约要用，当时我已经拍紧《流氓皇帝》，天林叔（王天林)做监考，渠见到我：『你懵㗎，你都出嚟拍戏啦，好钟意返去训练班企咩？』所以我冇去考。」
良叔慨叹现今的人情味不复当年，待遇更加不复当年，「待遇更加啦，好多都系做到咁上下、有番啲资历慨演员都走。」老臣子余子明都离开TVB，为什么良叔却不走呢？ 「因为我想等稳定啲咁多，自己又教吓画，咁解咋嘛，如果唔系我都要走啦，点样生存到呢，我生存唔到慨时间，自然要走，大家都要搵食，我呢啲叫做演员仔，算得系乜嘢呢，叫做有啲嘢做，因为我去边度都系咁做嘢，只要你做得好，尽心去做，做足自己嗰份，咁你一样系咁做嘢，冇所谓啦，我就系咁样慨心，但而家仲有乜嘢机会啦，都系得个想字，尤其是现在经济咁差，大家都悭啲悭啲啦，我叫做暂时尚幸仲喺度咁解啰。」
演员收入足够生活开支吗？ 「勉强啦，可以咁讲，到今时今日嚟讲都算庆幸，未算挨饿，哈哈哈，叫做够一家三口咁啰。」至于良叔的另一个身份——水墨画家，是否卖出了很多画呢？ 「唔系好多，如果系就好啦，系就真系唔使点做，只系有啲啦，间中咁啰，有时遇着合眼缘慨人咪会买啰，订画就有，但都系比较少啲，有啲细张慨画卖几千蚊，大张有啲几万，我试过最贵嗰张卖咗都成10万蚊。比起演员收入高好多？咁梗系啦，但唔系次次喎，如果系次次就好啦，哈哈哈。」
现在年纪渐老，拍剧经常挨更抵夜，辛苦吗？ 「挨夜实在细个都惯咗，因为以前屋企开面包店，有时搞到好夜，铺头闩铺，自己先做功课、画画，画到半夜2、3点，变咗而家都惯咗。」
多年来身兼两职，良叔感谢第一任太太的支持，「我都好庆幸，第一位太太对我系绝对大力支持同鼓励，现任太太初初冇咁热切，而家都有啲支持吓啦。」
07年，她因癌症离世，给良叔很大打击，「渠走咗，我有一段日子好衰落，啱啱就系我个仔出世慨时候，因为点解呢，最初因为太太好鼓励我去物色一个帮手生小朋友慨妈咪，即系而家我呢个太太，点不知开始物色到安排到慨时候，我太太就验到有癌症，到咁上下时间，即系仲有大约半年，我太太同我讲，如果呢个女人系好慨，你咪要埋佢啦，唔好畀佢两母子分开。
「我第一任太太系一个好有人情味慨人，佢个人比较温和，如果讲起上嚟，我此生无憾！渠畀到我一个好幸福慨家庭，未来尽量去享受，无论苦与乐，我都要尽量去珍惜同享受，我觉得呢个世界啲人都系，无论苦与乐，都系人生经历，开心与唔开心，我哋都要珍惜。所以，我慨心一路都系咁样做人，有时少少唔开心，你先可以感觉到真正开心慨时候。」
