陈自瑶澄清从未受邀演出TVB新剧，笑指新闻当系生日前礼物！王浩信与陈自瑶近年屡传婚变消息，上周更有报导指佢哋已正式办理离

陈自瑶澄清从未受邀演出TVB新剧，笑指新闻当系生日前礼物！

王浩信与陈自瑶 近年屡传婚变消息，上周更有报导指佢哋已正式办理离婚手续，不过两位当事人都有澄清：「唔系事实嘅报道，唔回应了！」

点知事件继续发酵，日前就有报道指，无线（TVB）高层认为今次爆出离婚消息系有人刻意放料，并指Yoyo嫌疑最大，故下令将佢飞出同丁子朗合演、暂名为《妳不是她》嘅新剧，并由冯盈盈顶上女一之位，不过无线戏剧制作总监徐正康已经否认传闻。

沉默咗一日嘅Yoyo，今日就在社交平台发文，佢话自己一向做人都堂堂正正，做事亦都系本本分分：「活得自在，心安理得，流言蜚语，一笑置之！」当然识睇嘅一定要睇埋Hashtag，Yoyo在Hashtag位置打上 ～我竟然被传媒朋友觉得我可以伙拍25岁小生做情侣 ～我真系咁年轻？ ～从来冇收到要参演任何新剧的消息 ～多谢抬举 ～太惊喜 ～生日前礼物 。

唔少艺人好似连诗雅、黄翠如、苏韵姿、李君妍 等都赞好同留言支持，当中黄翠如就留言话好钟意呢位佛系女生，之后Yoyo又将帖文post到限时动态，仲开设问答游戏，问网民有咩感想。#八卦手册#