痞子殿下｜麦美恩率「绝代八娇」惊艳亮相，陈滢与JW下周参加选美！
TVB剧集《痞子殿下》当中，唔少人引颈以待嘅「梦一场」终于开张，老板娘 无双（麦美恩饰)率领「绝代八娇」 红朱(梁雯蔚饰)、 绿绫(陈诗欣饰)、蓝纱(波波黄婧灵饰)、紫萝(杜颖珊饰)、白凝(陈欣茵饰)、碧澄(林可悦饰)、青丝(吕静文 饰)和粉黛(李芷晴饰)一齐大晒冷，佢哋嘅造型有别一般古装剧，一班靓女尽秀修长美腿。
麦美恩登场方式仲抢晒Fo，吊威吔飞住出场仙气十足；「绝代八娇」亦不让美恩专美，除咗造型亮丽亦多才多艺，表演跳唱张卫健嘅经典歌曲《真真假假》，极尽视听之娱！
麦美恩受访时就话：「因为要狂秀腿，所以身形瘦削啲会好睇啲，开拍之前都有狂做运动同埋节食。同埋我要好小心保护双脚，好惊整花对脚令到造型冇咁抢眼！」
至于吊威吔飞住出场，美恩亦都话其实压力几大吓：「现场有几十个演员睇住我出场，唔够胆NG太多，好彩我做咗几次导演就收货，最感动系现场所有演员为我拍掌欢呼！」
首度拍打戏嘅麦美恩又话，开拍前一个月就开始上堂练习：「师傅好好咁度身订造咗一啲招数畀我，显得我打起嚟一有种美态。」日前佢亦在社交网上载练习打戏嘅花絮片段，见佢非常认真和师傅对打过招，有板有眼。
身为「绝代八娇」之一嘅波波就透露，为咗这场歌舞戏大家一齐练习咗三日，所以拍摄过程相当顺利，同时亦话今次表演难度几高：「虽然平时都有表演开跳舞，但今次要用埋真声去唱歌。」提到集合8个女仔一齐拍摄，波波就话开心喇：「我哋八个喺埋一齐就会系咁倾偈同食嘢，监制一嗌放宵夜，我哋八个就会一支箭咁冲咗去，好似一个移动美食团体。」
而下周剧情将讲述「梦一场」举行《魁梦传奇》选美比赛，由于任何人都可以参加，心广体胖嘅「娟娟」小宝、「哨牙珍」何泳芍、「豆皮姐」尹诗沛、「糖妹」罗毓仪、「菜婆」苏丽明、「花姐」叶凯茵 等都会参赛，和「蛮仪」陈滢、「小妹」JW 同场争妍斗丽，选美过程更是笑料百出，记得要留意喇！#八卦手册#
