痞子殿下｜麥美恩率「絕代八嬌」驚豔亮相，陳滢與JW下周參加選美！
TVB劇集《痞子殿下》當中，唔少人引頸以待嘅「夢一場」終于開張，老闆娘 無雙（麥美恩飾)率領「絕代八嬌」 紅朱(梁雯蔚飾)、 綠绫(陳詩欣飾)、藍紗(波波黃婧靈飾)、紫蘿(杜穎珊飾)、白凝(陳欣茵飾)、碧澄(林可悅飾)、青絲(呂靜文 飾)和粉黛(李芷晴飾)一齊大曬冷，佢哋嘅造型有别一般古裝劇，一班靓女盡秀修長美腿。
麥美恩登場方式仲搶曬Fo，吊威吔飛住出場仙氣十足；「絕代八嬌」亦不讓美恩專美，除咗造型亮麗亦多才多藝，表演跳唱張衛健嘅經典歌曲《真真假假》，極盡視聽之娛！
麥美恩受訪時就話：「因為要狂秀腿，是以身形瘦削啲會好睇啲，開拍之前都有狂做運動同埋節食。同埋我要好小心保護雙腳，好驚整花對腳令到造型冇咁搶眼！」
至于吊威吔飛住出場，美恩亦都話其實壓力幾大吓：「現場有幾十個演員睇住我出場，唔夠膽NG太多，好彩我做咗幾次導演就收貨，最感動系現場所有演員為我拍掌歡呼！」
首度拍打戲嘅麥美恩又話，開拍前一個月就開始上堂練習：「師傅好好咁度身訂造咗一啲招數畀我，顯得我打起嚟一有種美态。」日前佢亦在社交網上載練習打戲嘅花絮片段，見佢非常認真和師傅對打過招，有闆有眼。
身為「絕代八嬌」之一嘅波波就透露，為咗這場歌舞戲大家一齊練習咗三日，是以拍攝過程相當順利，同時亦話今次表演難度幾高：「雖然平時都有表演開跳舞，但今次要用埋真聲去唱歌。」提到集合8個女仔一齊拍攝，波波就話開心喇：「我哋八個喺埋一齊就會系咁傾偈同食嘢，監制一嗌放宵夜，我哋八個就會一支箭咁沖咗去，好似一個移動美食團體。」
而下周劇情将講述「夢一場」舉行《魁夢傳奇》選美比賽，由于任何人都可以參加，心廣體胖嘅「娟娟」小寶、「哨牙珍」何泳芍、「豆皮姐」尹詩沛、「糖妹」羅毓儀、「菜婆」蘇麗明、「花姐」葉凱茵 等都會參賽，和「蠻儀」陳滢、「小妹」JW 同場争妍鬥麗，選美過程更是笑料百出，記得要留意喇！#八卦手冊#
