今年3月，刘雅丽父亲刘山本因新冠肺炎离世，之后爆出三房人的家庭纠纷，大房女婿方锦培不满第三房慨刘雅丽及母亲包晓华私吞帛金，又拒绝到医院见父亲最后一面及领回遗体而向本报爆料。上周刘母现身港台节目，否认私吞帛金更反插「嗰个女人」(四太Eva)从中作梗，令家事再度发酵。四太忍无可忍，首度现身接受访问，终极踼爆母女二人大话连篇。对于四太Eva指控，刘雅丽表示「一律唔回应及冇嘢讲。」
因为刘雅丽喺本叔出殡当日「衰多口」发表「感激论」提及刘德华，激嬲有单有据，一手包办200多万医药费及殓葬的大房女婿方锦培。事件曝光后刘雅丽不想回应家事，但就坚称有份夹殓葬费。以为事件已Close File，不过包晓华日前喺电台节目声称已交出7万蚊帛金，唔计失联慨二房两母女，强调7个仔女分担近20万慨殓葬费乜都够晒数，同时又澄清有提出去医院见本叔最后一面及去领遗体，只是遭嗰个女人(四太)阻挠。
上周五，本叔四太Eva、唔愿出镜慨大房3女Winnie及大房3女女婿方锦培，接受访问联手踢爆刘雅丽母女大话连篇。Winnie在场力证：「本叔由十字车送到医院时证实已离世，医生一定会畀家人去见死者最后一面，但我打畀佢(包晓华)时，渠竟然话『死咗仲有乜好睇？』」至于领遗体问题，方锦培指唔会系实名制，几多个人去都得，Eva展示跟包晓华whatsapp对话截图，指本叔4月3号上山，4月4号包晓华自揭刘雅丽唔系本叔亲女唔领骨灰，所以大家明晒，渠哋唔去见最后一面，系因为冇血缘加冇感情。
Eva不屑两母女行为：「两母女太自私，佛口但蛇心，包晓华明知大太太喺澳门明媒正娶，仲『挟持』本叔重婚，有好嘢就系老婆，本叔患病最后一年睇都冇睇过渠，连电话问候都冇个呀！对于包晓华口中话，本叔问刘雅丽『借』咗200万嚟医病，但冇力偿还唔好意思再打搅渠哋，如果系有负责医药费就交出单据，我眼见每次出亲嚟食饭，包晓华就问本叔攞钱，嘈到本叔食食吓饭都要走。唉！本叔都几十岁啦，个『哎吔女』应该孝敬返渠。」
提到包晓华口口声声话已付7万蚊帛金，Eva听完火都嚟埋，即爆渠有私吞帛金：「渠系交咗3万5蚊畀方锦培，系本叔朋友交低，畀本叔做白事，包晓华承诺收齐帛金再交出。4月2号晚渠交咗一袋当日(设灵)收到慨帛金畀方锦培，点算大概有3万5蚊。」方锦培亲述3号上山当日，包晓华未到前，由他接待安德尊兼收咗封帛金、连同当日亲友慨帛金，包晓华统统再冇交出嚟：「点解咁记得安德尊封帛金?因为我收完就放咗入接待处慨台入面，当时由包晓华朋友负责坐喺度睇住。包晓华当咗2号交出嗰3万5蚊系自己出，其实系当日亲友帛金数目慨总和，而且有咁多亲友嚟过，你信唔信嗰日得咁少？」
方锦培愈讲愈嬲，「Eva个女都亲眼见到渠攞走咗一啲帛金啦，帛金系畀死人㗎，不过，Eva就话费事嘈。ð µ±家本叔都未够钱买骨灰龛，唯有由我畀钱，但我哋唔会透露安放本叔喺边，系渠自己话唔领骨灰。」外传包晓华近日四出搵亲友借钱，数目由1万至3万不等，Eva及方锦培对此不置可否：「渠借到系渠本事，唔关我哋事，佢唔好『消费』本叔话同渠有关。」
