曾经被封为张国荣接班人︳黄翊忆与黄宝欣拍拖被棒打鸳鸯，唱片公司：你估真系钟意你唱歌？
现年54岁的黄翊接受网上节目《音乐旅情》主持人杨绍鸿访问，分享他在香港乐坛打滚多年的起跌，由早年参加第五届新秀而入行讲起，中途转战电视圈当音乐节目主持人，又曾被唱片公司封为「张国荣接班人」力捧，可是最终为爱情而牺牲唱歌事业，直至2017年上节目《流行经典50强》，因此再次踏足娱乐圈。
黄翊于1986年以「哥哥」张国荣的快歌《Stand Up》参加《第五届新秀歌唱大赛》，虽然三甲不入，仍被唱片公司睇中，入行后却坐了两年「冷板凳」，至1988年机缘巧合有得唱汉城奥运会主题曲《一呼百应》，终于获得外界认识。黄翊指当年听从唱片公司指示，为了寻求机会曾到电视台跟监制应酬，「因为唔知点同人应酬，太『ð¡仔』唔识讲嘢，咁不如唔好乱讲、讲多错多，宁愿听人讲嘢好过…。咁辛苦等咗两年，终于有机会做我，仲唔听话？系咪先？随时又要坐『冷板凳』又点顶，惟有就乖乖哋，嗰时我又无咩，反而嗰时最惊我以前公司宣传部同事，渠真系好癫又好恶，对我完全毫不留情，又喝又闹，当然中间夹杂好多个字，但呢个人之后都消失咗。」
由于说话不多，黄翊一度被人嘲是「哑」的，「嗰时太过『ð¡仔』又好内敛，唔识讲嘢又太静，跟住公司发现我好似『哑』咁，叫我快啲去电视台睇吓有咩啱做，帮我搵啲嘢做。自从做咗《新地新地带》主持后就开窍，大约知道要点样讲嘢，讲嘢都系一种艺术，慢慢由『哑』变咗好『多咀』。」
提到当年被封为「哥哥接班人」，黄翊无奈表示：「因为大家属同一间唱片公司，而当年我系重点培育慨新人，好自然渠哋会谂一啲宣传伎俩，跟住就讲『阿翊，你一于做张国荣慨接班人』，其实当期时听到系好惊，当时哥哥慨Fans遍布全世界，真系厉害到不得了，你话一个死ð¡仔做张国荣慨接班人？知唔知我当时脚到震埋。哥哥开告别演唱会嗰次，我行入红馆畀佢慨歌迷见到，已经讲说话我听，『接班人？唓！』，我即刻头耷耷走入红馆，真系唔够胆。」
有关昔日同黄宝欣拍拖而遭到公司雪藏，并赔上了个人事业。黄翊说：「唱片公司当时同我讲，『知唔知每个歌迷点解钟意你，你估真系钟意你唱歌？其实个个好似当你老公咁，点知你出面有第二个女人，渠哋又点会钟意你』，但我实在太年青、第一次拍拖，唔通真系分手就分手？呢件事系无可能，其实当时我都系地下情，但某本杂志有个报料热线，就化名话见到『颜色翊』同『飞图欣』喺西贡沙滩慢步，因为成日有呢啲报道，公司就畀压力我，话再唔听话就『雪』我，而我好硬颈唔理渠，加上当年涌好多新人出嚟，我喺大海入面浮吓浮吓，当无力再踩水就沉咗落去。（有无后悔？）又唔觉得有咩需要后悔，首先唔会有一个天使出现问你想由头嚟过？我而家系一个好现实慨人，呢啲系无可能，所以唔需要后悔，条路系自己拣，又唔系行得好衰，呢几年又有机会再踏足唱歌方面，咁就尽力去做，希望呢个兴趣令到钟意听歌慨乐迷开心。」
