过年咁开心
大家一定周围派逗利是啦
明星艺人一样都趁住假期
去朋友屋企拜年啦
陈山聪个仔仔Jaco
早早就学定一手
“逗利是”好本领
氹到李施嬅三两下就送上利是
两人仲大细手互相击拳祝福
画面温馨欢乐
轮到胡定欣上场嘅时候
唔知点解Jaco就开始扭扭拧拧
“请请手”又唔愿意
“恭喜发财”又唔肯讲
仲要不断拧歪面避开定欣
无计可施嘅定欣最后
无奈直接送上利是
Jaco摞完连“多谢”都唔肯讲
激到定欣督住佢心口话
“你好自为之！”
场面好好笑
陈山聪仔仔差别对待两个大姐姐
好多网友讲笑话一定係山聪教嘅
因为佢哋都好熟又好玩得
大家都一笑置之、当过年开心下
点知最近有媒体曝大镬
话山聪喺社交平台留言
因为定欣有“体臭”
所以先唔得仔仔心
俾定欣知道后
致电“闹爆”佢“係米玩嘢！”
山聪知道自己“玩大咗”
话要送翻大利是俾人补数
虽然大家都知定欣“发嬲”都係开玩笑
但可以赚翻个大利是啵
都算係个新年好兆头啊
过年前定欣仲晒出
自己为新剧《破毒强人》
驳发打造嘅新形象
久违嘅大波浪长发look
大家都赞佢好睇
仲撞面邓紫棋劲显后生添
话说佢係《破毒》入面
会再次搭档曾经嘅“视帝”陈豪做CP
继《鬼同你OT》《来自喵喵星的你》后再合作
相信会十分有睇头
《鬼同你OT》
《来自喵喵星的你》
而去年年底
胡定欣参演嘅
警匪系列电影《临时劫案》
亦顺利杀青啦
佢喺入面会演一个家境麻麻嘅大肚婆
日日仲会同“影后”鲍起静饰演嘅“奶奶”
上演婆媳“大龙凤”吵个不停
黑色幽默得嚟又够贴地
其实定欣同鲍姐
之前喺《同盟》都有合作
当时好多镜头都“动刀动枪”
今次就改为“唇枪舌战”
应该更有意思
已经唔係第一次扮“大肚婆”嘅定欣
係《临时》入面又“重操旧业”
唔知又可以俾到咩惊喜大家咧
胡定欣曾经扮大肚警察坨B抓贼
开年就有山聪嘅大利是收
接下来又有同大牌搭档嘅
影视作品陆续会上线
睇嚟今年嘅定欣都几旺
资料来源：豆瓣、微博
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。