近日芒果TV招商會
“音樂競演節目帶”公布三檔綜藝，
除《浪姐》、《荊哥》
兩部大熱綜藝繼續開SHOW，
芒果TV與無線（TVB）合作
打造嘅全新音樂綜藝
《聲生不息》亦頗受關注！
兩台上一次合作已經係
2008年嘅《舞動奇迹》第二季。
嗰陣尚未有芒果TV，
係湖南衛視與TVB的合作。
ps：雖然2011年的第三季亦有
黎諾懿、許家傑兩位TVB藝人，
但呢一輯并唔算兩台合辦。
時隔13年後嘅再合作，
大家都非常重視。
作為主創團隊嘅洪嘯工作室，
曾出品《歌手》、《舞蹈風暴》等
多部金牌綜藝節目。
而TVB亦在較早之前
便已經開始招生。
另一版流傳嘅招生海報，
招募要求分外強調選手
“無違法犯罪、無劣迹前科”。
網友笑稱
應該係“披荊斬棘的哥哥”節目組嘅
暴躁後期含淚要求加上的吧？
不過另一方面，
亦可睇出節目組的重視和謹慎，
積極響應網絡“清朗”專項行動等。
在招商會上，《聲生不息》呢檔
超S級嘅港樂歌唱競演節目
亦係牌面十足。
陳小春、張智霖、謝天華、
梁漢文、林曉峰幾位大灣區哥哥
合唱《友情歲月》，
為該綜藝站台推介。
現場連線以TVB首席創意官
及節目制作人亮相嘅王祖藍，
他大曝已洽談緊許多樂壇名咖，
比如“撐起香港樂壇半邊天的某某”、
“好耐無出山嘅神仙歌手”、
“鐵肺天後”等已經溝通到落實階段。
雖然關于嘉賓陣容嘅一切資訊
尚未有明确官宣，
不過咁樣一套“組合拳”打落嚟，
觀衆期待值認真係高到滿瀉！
許多網友亦紛紛開始點名
自己喜歡嘅歌手、藝人，
期待佢哋可以有份參演節目。
比如有人希望見到
今年頗為出圈嘅《聲夢傳奇》選手。
不過遺憾嘅係今次《聲生不息》
招生要求18歲以上，
好似詹天文、鐘柔美、炎明熹、
姚焯菲等幾位未成年小花
就大機率無緣參加啦~
一首《隔離》勁出圈，
可樂生活680期封面的陳凱詠；
早前上過大灣區電影音樂晚會嘅
英皇娛樂藝人許靖韻；
伍嘉成、彭楚粵、田鴻傑等
近年新晉歌手都被粉絲們瘋狂點名。
雖然《聲生不息》定位係
後浪歌手生存戰，
但導師、評委、主持等席位
多數還需一啲更重量級嘅唱将撐場。
有人就提議《荊哥》嘅大灣區組
可以直接無縫“再就業”。
而今年在内地綜藝
相當活躍嘅林子祥、譚詠麟、李克勤、
楊千嬅等受邀幾率也很大。
此外，鑒于本次節目係
與TVB合作打造，
以回味港樂情懷為主題，
相信亦能見到更多港劇、港片中
熟悉嘅面孔或聲音。
你對呢檔綜藝有咩睇法？
你最期待邊啲歌手、藝人上節目？
歡迎留言同我哋分享吖~
MORE
今日娛樂看點
張韶涵年底廣州開唱
會場在廣州海心沙亞運公園，
演出由五個寓言故事串聯，
Angela重新诠釋“寓言”
以及出道20年來的經典歌喔！
你最期待聽到哪一首？
超新星運動會4定檔
超新星運動會第4屆
今晚熱血開播！
據悉本屆增設滑雪、障礙追逐賽、
體能對抗賽、卡丁車等多個新項目。
黃渤助陣街舞4總決賽
《這！就是街舞》第四季
即将迎來總決賽，
黃渤驚喜助陣
并帶來新歌首秀舞台！
資料來源：綜藝截圖、豆瓣、微網誌
網際網路綜合整理
編輯：陳祉伶
*文中圖檔版權歸原作者所有，
如有問題，請與原作者聯系
掃描下方二維碼
進入可樂生活小店
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。