有“一件头女神”之称的陈诗欣（eunice）一直以主持综艺节目为主，昨日佢喺社交网宣布离开效力3年的娱乐新闻台，虽然今日先系last day，不过佢昨日已经同一班伙伴包括陈婉衡、苏可欣、周奕玮合照留念。佢表示：“我毕业了！多谢娱乐新闻台3年来嘅照顾，这3年间学到好多嘢，由不擅长用言语表达自己的女孩子，变成牙尖嘴利。天天都跟你们斗嘴的轻熟女，多谢我一班好同事嘅训练，虽然我离开娱乐新闻台，但应该好多时间喺公司会碰面，所以不用太挂住我。”eunice受访时表示：“系呀，我毕业啦！嚟紧会全力拍《姊妹淘》，同埋新嘅综艺节目。”暂时她的工作都在综艺方面，未知明年会否有机会拍剧。
eunice坦言心情舍不得，她说：“我知道明日先系last day，但愈近就愈唔舍得我班好同事，今日我都有派散水饼，好多同事先知我今日走，佢哋都好惊讶，我一直以为身边啲同事系知道，原来佢哋系唔知，（你有冇喊？）我冇喊，但依家讲讲吓都有啲眼湿湿。”3年来她主持节目，甚少在录影厂影相，最后时段好多同事把握机会一齐影相留念：“我觉得好窝心，有啲同事都眼湿湿，我都有安慰佢哋，我话唔使，我都系喺tvb度，只不过离开娱乐新闻台。”
转自看港剧