新一年将至，36g女神崔碧珈大谈择偶条件，曾受情伤的她对爱情依然期待，只要「啱channel」的话，任何国籍甚至爷孙恋都能接受！不过，她坦言最怕一些未能好好管理财政以致陷入财困的男人，可直接列入「黑名单」！
崔碧珈感恩工作未受疫情影响，收入冇减少。
去年圣诞前夕与吴浩康分手后，崔碧珈（anita）的感情依然「交白卷」，故今年圣诞、新年都只会与母亲一起过，但她没有对爱情有所恐惧，仍然会做「等爱的女人」！至于择偶条件亦很简单，最紧要思想、价值观一致，只要能够擦出火花、互相吸引，任何国籍、肤色甚至80岁伯伯都不成问题，只怕因个人问题而令财政失控的男人：「如果另一半陷入咗财政危机，好多嘢会畀人牵住走，当然我讲紧嘅系因为个人行为有问题而出现财政危机嗰啲，例如赌钱咁。（有冇遇过？）有嘅！但人嘅记忆有限，我唔会去记呢啲唔开心嘅嘢，唔会记得边个。」
崔碧珈与吴浩康甩拖后一直单身。
不少年过30岁的女星都考虑雪卵，拥优良基因、现年32岁的anita会否考虑？她坦言曾咨询医生意见：「我年年都做妇科检查，医生话一切都好好，40岁后先好同佢倾呢个问题，所以暂时冇呢个谂法。」
回望2020年，anita直言最开心是跟母亲度过不少共处时光：「虽然我哋系一齐住，但其实前1、2年我经常周围飞，一个月顶多得7日喺屋企，依家因为疫情多咗时间喺香港，我哋会一齐行山、看电影，令我深深明白陪伴先至系最重要。」
有乐亦有苦，她表示今年最不开心，是身边不少朋友苦心经营的餐厅纷纷结业：「佢哋好辛苦先做到间餐厅有声有色，一下子化为乌有！不过我明白佢哋嘅决定，依家真系要先止蚀。（你嘅收入有冇受疫情影响？）好感恩都差唔多！因为多咗online广告，希望本身今年要开嘅电影，出年可以顺利开番机。」
崔碧珈大爱不分国籍，早排被传与老外教练挞着。