话咁快《反黑英雄》
就进入结局篇
喺寻晚最新一集里面
阿sir们落力为“阿占”平反
搵出“番茄惨案”嘅真凶
讲到呢位“番茄”
其实佢喺上一集就已经
领咗饭盒噶啦
但戏份可以“延续”到依家
证明佢嘅身份好紧要
饰演“番茄”嘅
就係被誉为“翻版王浩信”的
林俊其啦
由佢第二集出场开始
对佢讨论嘅声音就冇停止过
▓▓▓▓▓▓▓▓▓▓▓░░░░努力加载中……
“番茄”开始just係个“外卖仔”
一登场就嫉恶如仇咁嘅样
加上佢同王浩信本信
高度相似嘅皱眉表情
观众已经对佢印象深刻啦
跌落楼都唔残
被人暴打又唔死得嘅
有咁样嘅“小强体质”
大家都有预感
佢可以捱好多集
随住剧情发展
“番茄”逐渐升呢
变成大毒枭手下
佢作恶嘅手段亦逐步升级
由一开始自己带毒
到后来逼人运毒
行为越嚟越恶劣
除咗贩毒呢条大罪外
佢仲成日穿柜桶底
偷公数去赌钱
又扮晒蟹咁
倚仗自己有“大佬”罩
就为所欲为
最核突嘅係佢打女人
出手之狠毒
观众隔住屏幕
都忍唔住皱晒眉头
//////////
当佢遇到问题嘅时候
下跪、求饶
捅人出来孭镬
都係佢甩身嘅伎俩
真係将一个
“古惑仔”初出茅庐嘅状态
诠释得淋漓尽致
秉承“邪不能胜正”嘅原则
坏事做尽就终会受罚
“番茄”喺最后
当然就係悲惨收场噶啦
但喺佢正式玩完之后
观众居然有啲唔舍得佢添
喺林俊其以前参演嘅剧集中
佢一般都係客串出现
对白最多都得一句话
难得今次可以喺咁多集露面
大家先有机会
感受到佢嘅演技
虽然林俊其同各位前辈
演绎嘅技巧确实冇得比
但要演狠嘅时候佢都几狠
要怂嘅时候亦怂出咗精髓
作为一个新人嚟讲
林俊其嘅观众缘似乎几好
甚至有人话
希望佢可以拍多啲新剧
继续多啲露面添
其实接下来一啲待播剧
或者正在拍摄嘅剧集中
都有佢参演嘅角色
好似已经杀青嘅《黑色月光》
最近正在拍摄嘅《刑侦12》等
大家可以期待一下啵
靓show开售
艾怡良
不想忘记的名字们-厦门站
不停开show、不停售罄
“姨娘”嘅声音实在受欢迎
【上海站】嘅门票已经售罄
【厦门站】仲有少量余票
想成为佢“不想忘记的名字们”
快啲去“可乐生活”官方抖音号
抢飞啦
吴若希
IN·POSSIBLE-广州站
吴若希巡演首站惊喜不断
MV男主现身劲sweet
Jinny化身“舞娘”超吸睛
广州係佢过去首次开个唱嘅舞台
再次回归
势必有更大、更劲爆精彩呈献
喺“可乐生活”官方抖音号就可以买飞啦
资料来源：微博、剧照等
网络综合信息整理
编辑：郭玮
校对：王慧诗
审核：曾敏妍
签发：骆苹
【微店】羊晚文创线上商店【邮政】中国邮政微邮局【淘宝】羊晚生活馆都可以订阅《可乐生活》
>>>