林智乐（Felix）新歌《年轮海》以成长为主题，较以往作品有更多想法，MV在牛仔布洗水厂取景，扮演时装设计师的他尝试制作牛仔服装过程。他希望推出每首歌都能延续话题性，还化身画家跟两名艺术家一同创作画作。
Felix因为拿了新人奖，做歌可以更放鬆，“依家出咗大海，浮吓先，今年係尝试嘅一年，试多啲唔同曲风。”而请到Cousin Fung作曲就全靠坤哥，“喺叱吒后台同经理人倾想搵佢，经理人就带我去搵坤哥（吴业坤），坤哥9秒9开咗电话录语音功能，我讲咗想点， 隔咗一排就收到Cousin嘅两首Demo，拣咗比较小品啲嘅《年轮海》。”
全靠针灸救声
不过Felix录歌前一度失声，搞到要重录，“录音时我把声係最差，其实新城颁奖礼前一晚，已经中咗流感，食药揿住仲上到台唱，但一落台半个钟就失晒声。”
不过20岁的他自恃后生，一直冇睇医生，加上去澳门拍《声梦1＋2》丧嗌几日，返港就出事，“连续录咗3次，听返自己都过唔到，同经理人讲前后唔好安排工作，加做针灸，先完成到首歌。”
由于他本月18日会跟张驰豪和潘静文开骚，他已积极做针灸和跑步，希望以最佳状态演出。
为配合《年轮海》主题，MV在牛仔布洗水厂取景，Felix解释：“讲成长就好似牛仔布嘅制作过程一样，有好多历练，仲搵咗牛仔布达人林德信做彩蛋，佢好Nice，希望下次同佢有音乐上嘅合作！”
Felix又跟两名艺术家举行以《年轮海》为主题的画展，“做计划书时用AI设计咗幅画，咁不如再搵艺术家合作，将呢幅画再加啲创作，变成11幅唔同嘅画仲搞埋展览，係好难得嘅创作经验。”
林智乐入职场 避免衝动及控制情绪 邀林德信拍新歌MV
歌手林智乐（Felix）接受黎莉主持的新城《劲爆乐势力》访问，宣传新歌《年轮海》，Felix透露新歌并非情歌，而是一首关于时间和成长类别的歌曲，他称：“监制Cousin Fung叫我录音时，当自己係一个好老嘅人，喺棵树下分享自己嘅故事，畀天真烂漫小朋友听，我听到佢咁讲就好有感觉，嗰一take觉得自己唱得最好嘅。”
入行逾两年﹑20岁的Felix表示过往未曾正式进入过职场，一路走来都战战兢兢，他称：“要控制自己情绪同避免衝动，我有时会好冷静，但有时都颇衝动，因为自己冇真正入过职场，所有人都好似训练紧自己，当然遇过好人、贵人同畀磨练你嘅人，每段经历受过教训后，就会知道点样避开佢。”
谈到在《年轮海》MV中扮牛仔布裁缝师，Felix透露整个构思是由公司同事提供，他表示：“今次好快已经知道首歌係讲时间同成长，于是佢哋谂到牛仔布都要经历好多重洗水、染、剪先成为大家见到的牛仔裤，同时间人生好有关係，都要面对好多唔同嘅难关，所以就攞嚟做MV主题。”
谈到林德信（Alex）在MV中惊喜现身，对于为何邀请对方演出？Felix表示公司得悉对方热爱牛仔时装，对牛仔布亦甚有研究，故提议找他演出，Felix称：“我话如果Alex肯当然好啦，跟住佢又OK，于是佢嘅出现就成为呢个MV嘅彩蛋。”