上月约满离巢无线的黄智雯（Mandy），宣布正式加盟「凯艺娱乐」，成为神级花旦朱茵与Ada蔡少芬的同门师妹，日前Mandy为新一年拍摄造型照，对于加盟新公司大叫兴奋，表示抱正面开放态度，迎接新挑战。
加盟新公司开拓自我
踏入2024年，Mandy即有新动向，回首过去的2023年，对她来说的确是特别的一年，成为人妻，身份改变，亦因这个身份变化，令她深感要展开人生的新阶段，她说：「好想突破自己，跳出框架，尝试一啲以前未试过嘅嘢！好多人问我系咪会去演多啲舞台剧，当然舞台剧喺我呢两年尝试后，畀到我另一种满足感，我都想继续开拓舞台剧上嘅自己，不过我觉得自己有更加多可能性，好想同多啲唔同嘅演员合作，多啲火花，对电影、综艺节目、真人骚等所有嘢抱开放态度，以乐观、开放，迎接新挑战！」
加盟新公司，跟朱茵与Ada蔡少芬作为同门，Mandy笑言跟她们早有渊源：「佢哋两位真心系我好欣赏嘅艺人、女神，其实我哋三个不约而同有相同之处，我同Ada都系Miss HK出道，佢系我师姐，朱茵就系我演艺学院嘅师姐，所以我哋有啲渊源；佢哋又系偶像派，又系女神，非常期待将来我哋可以有更加多合作火花。」
问到朱茵与Ada贵为美魔女、神级花旦，作为她们的同门师妹，可有压力？Mandy说：「好大压力，点解佢哋两个可以keep得咁好、咁靓，我自己都要继续努力学跳舞同唱歌，令自己更fit，keep更好状况。」
老公姊妹给予支持
老公和好姊妹对于Mandy的新动向亦给予支持，她指：「另一半好支持自己，一步一步走来，佢沿途都畀好多意见，我觉得佢系一个好聪明嘅人，成日都会帮我分析，亦系好好嘅聆听者及心灵伙伴；而姊妹们更加系唔使多讲，我哋姊妹间无论大家有咩决定、有咩去向，都会在心中互相支持。」
此外，有网民对于Mandy早前「离巢」感伤感一事，Mandy感激所有支持她的人：「唔使伤感，我仲喺度，好多谢大家喺社交平台留言支持及祝福，每一留言我都有睇，好感动。」