唐诗咏东京街头高调“揽仔”示爱 “亲了3次”冧到晕
视后唐诗咏自去年约满离巢后,无约一身轻嘅日子过得相当惬意充实,除同朋友约会、四围飞旅游外,前段时间过生日嘅佢仲去埋跑山,认真犀利!而感情动态一直空白嘅佢,今日(17日)就喺社交网高调晒出同“新欢”约会嘅合照,并兴奋强调:“佢锡咗我3次!”
在东京玩到唔舍得返嚟?
揽得好肉紧。
唐诗咏喺社交网表示:“约咗小情人,佢锡咗我3次,然后姑姐变家姐,咁我只好叫爸爸。”文尾更不忘Hashtag番“#浪漫的东京街头”,原来系陈山聪一家三口咁啱去咗东京玩,所以就搵埋原本喺东京玩紧嘅唐诗咏食拉面,而所谓嘅“小情人”则系陈山聪嘅2岁囝囝陈霆轩(Jaco),他乡遇故知又唔怪得唐诗咏笑到见牙唔见眼咁夸张嘅。