细细粒、林盛斌最令人动容，马国明&汤洛雯预演婚礼，Gigi同Mike重现名场面……TVB台庆好欢乐

TVB万千星辉贺台庆2022

喺寻晚圆满举行啦

唔知边一幕令大家印象最深咧

呢场show筹备咗咁耐

果然冇令大家失望嘅

让大家嘻嘻哈哈

度过咗一个美好嘅晚上

从红地毯开始

就已经好有睇头噶啦

▓▓▓▓▓▓▓▓▓▓▓░░░░努力加载中……

前一排“被结婚”嘅马国明

变身“白马王子”

拖住“黑天鹅”汤洛雯行出嚟

打扮过嘅马明皮肤靓咗

靓汤似乎都瘦身唔少

同框画面好似预演婚礼咁吸睛

磢镜嘅真·CP真係随时随地放闪

大家特别想闹关注嘅蔡思贝

今次就挽手张振朗登场

一条天蓝色嘅连衣裙异常咁显黑

对长手袜仲被网友话好似洗碗手套

加上嗰两条触须辫仔

连主持人都犹豫咗一下

应该点赞佢比较好

“尽显佢嘅……身……型啊”

虽然佢哋两个曾经一起“踩过界”

但大家似乎对呢pair嘅绯闻唔多关心

思贝继续趾高气扬摆面色

都冇引嚟太多嘅唾骂关注

今年嘅“视后”大热人选陈滢

又cue咗下啱播完嘅《美丽战场》

穿露背裙重现咗个经典回眸

呢个pose係电视剧海报上

除咗佢以外其他靓女都演绎过嘅

but海报始终係精修

真人版就有

撞款扎肉嘅既视感啦

上届嘅“视帝”“视后”

搭档压轴登场

谭俊彦好似想抢埋林夏薇风头咁

粉色荷叶边衬衫搭姨母珍珠链

配埋佢嘅古铜色皮肤

斋个势头已经够班摞最佳

斋行红地毯时间

就直播咗成个钟头

你想见嘅艺人

应该都见到晒了~

//////////

到咗大家好期待嘅舞台

就更加精彩啦～

《声生不息福禄寿》

原来係三宝+GiGi、Mike

重现翻节目嘅名场面

TVB仲要好识玩咁

将之前一啲综艺嘅画面剪切

睇睇下会突然晃神

以为自己回顾紧《声生不息》

之前就有明示、暗示咁讲

呢个环节会有两位神秘嘉宾加持

大家估过係林子祥夫妇之类

等正片出街先知

原来係“重量级”阵容

王祖蓝出动太太+细细粒

组队唱抗疫版《高山低谷》

《篙湾低Joke》

特别係细细粒把靓声真係好正

大家抗疫期间嘅经历

被呢首歌歌词变得有趣

尽诉大家期待形势好转嘅愿望

最后“我个码未转”

有啲可怜又令人忍唔住笑

细细粒有“黄码攻略”

曾经同佢组CP嘅阿Bob林盛斌

都有自己嘅杀手锏

当晚佢除咗做主持人之外

仲参演咗《一封信》舞台剧

扮演一个有头发但唔多嘅油腻大叔

呢位“阿叔”就演戏好叻嘅

但搭档嘅靓妹就似乎唔多醒目

累到佢不停係咁饮咗5杯奶

最后忍唔住原地喷射

……

牺牲认真大

喺接落嚟嘅颁奖典礼

如果唔颁个奖俾啊Bob

电视台应该都觉得过意不去

除咗呢啲节目之外

仲有“舞王”郭富城劲歌热舞

港姐再竞选

YoYo、高ling玩转魔术等等

五花八门、争奇斗艳嘅舞台

唔知大家觉得

边个准备得最用心咧？

▓▓▓▓▓▓▓▓▓▓▓░░░░努力加载中……

话说台庆结束后

万千星辉颁奖礼就真係要嚟啦

真正嘅“视帝”“视后”之战

就正式打响

大家对边个最有信心啊？

MORE

今日娱乐看点

王冰冰更博了

今晚八点，

“央视频之夜”将会带大家

近距离感受卡塔尔的风土人情

形象甜美、亲和力十足的王冰冰

用节目组官宣海报更博

网友们都表示好惊喜

黄宗泽“僵尸”look曝光

《我和僵尸有个约会》

电影版正式开拍

最近有黄宗泽拍摄路透流出

戴墨镜+深色外套

更手持一个大木箱

唔知大家觉得呢个“僵尸”look

可以打几多分咧

鹿晗回了“一个解释”

昨晚，鹿晗举行线上演唱会

邓超喊话问：

为什么没有他的镜头，

让鹿晗给一个解释。

结果，鹿晗用P图

回了邓超“一个解释”~

资料来源：台庆截图、微博

网络信息综合整理

编辑：郭玮

审核：曾敏妍

签发：骆苹

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）