“哥哥”们继续“披荆斩棘”
除咗“饮奶”之外
节目组好似仲安排咗
训练以外嘅“小游戏”娱乐下
佢哋被“禁锢”嘅群体生活
而呢班男人“癫”起上嚟
都发生咗唔少
非常搞笑嘅宿舍日常
俾大家见到佢哋
镜头后面“未大透”嘅一面
▓▓▓▓▓▓▓▓▓▓▓░░░░去片……
一出场就俾人话
戴墨镜扮chok嘅吴卓羲
经历咗“带货”风波之后
佢已收起嗰副“卖断货”嘅耳机
亮相舞台被网友吐槽实力一般
所以到咗一公培训嘅时候
佢就格外努力、非常上心
抽中唱闽南语作品
“大湾仔”卓羲稍微有啲为难
但确实係一个好好展示自己嘅机会
被网友封为“黑马”嘅仁科
不嬲都好有自信光环嘅
前排因为收过卓羲礼物
就心心念念想要“报恩”
知道wuli卓羲仔喺语言方面有短板
仁科即刻自告奋勇话要教佢讲陆丰话
事关陆丰话算係闽南语嘅分支
好多发音都非常相似咁话哦
咁卓羲仔就更係
揸实呢条“救命稻草”
认真跟阿仁老师学嘢啦
学到自己一头雾水不单止
最后仲吓咗老师一跳添
被仁科“带坏”咗嘅卓羲仔后悔不已
但自己拣嘅老师喊住都要认
只好无奈话老师教得好、
係自己冇慧根
够晒有情有义啦
而好怕镜头嘅刘恺威
除咗揸麦开唱嘅时候
把磁性低音靓声可以自信啲之外
平日恨不得
避开所有camera影到嘅地方
某日晚黑谂住舒舒服服冲个靓凉嘅佢
洗刷刷到一半竟然停水
只好紧急呼叫门口兄弟帮手
“呼救”声惊动咗室友
传到咗节目组
更冲上了热搜
“霸总”人设秒崩
工作室都觉得呢铺
低调老板被迫高调“社死现场”
刘恺威自己仲要硬兜
当时正只係喺度洗头
怕大家想入非非太多
洗紧边都唔紧要啦
反正全网都知道佢洗到一半冇水
今次真係水洗都唔清噶啦
林峯上节目就肯定受到大家关心
好在佢又冇咩偶像包袱、玩得够开
喺happy hour都enjoy得几投入
同小春、卓羲夹手夹脚
将辈分最大嘅温兆伦打扮成
“干湿褛、短裤猥琐老丈人”
精髓应该就係
佢哋剪穿其中一只袜
等温大哥衬凉鞋嘅时候可以
露出“内在美”
温兆伦最后嘅造型
大家自行评价啦
之前有传佢一公之后就被淘汰
都唔知係米因为呢班哇鬼
搞嘅呢个造型影响咗佢嘅形象添
张智霖可能因为靓仔
所以啲运气都特别“靓仔”
虽然首舞台惨败
但一公又俾佢lucky翻一次
同翻往届哥哥一team
咁啱住喺1号宿舍嘅佢哋
忍唔住唱起“老天自有安排”
更扬言呢次有“初代团魂”庇护
一定又係NO.1
有自信的确都係好事
而且作为“过来人”
佢哋一定熟悉好多
喺节目组惯有嘅讨论
其他哥哥睇落实力都非凡
奉劝佢哋都係谨慎啲好
//////////
各位哥哥嘅宿舍日常真係好欢乐
完全诠释“老男孩”该有嘅幼稚
甚至有人觉得
比舞台正式表演更精彩添
其实大家睇综艺
初衷确实都係想开心
一个节目无论边部分吸引到人
相信都係佢成功嘅卖点
大家更中意精湛舞台
定係幼稚未完嘅日常啊？
MORE
今日娱乐看点
“大湾仔”唱《友情岁月》
喺寻晚举行嘅
“岁月友情”线上音乐会上
梁汉文、陈小春、林晓峰
与雷宇扬&朱永棠
一起合唱《友情岁月》
狠狠嘅回忆杀
杨迪长在于文文笑点上
于文文平时都好酷嘅
但喺综艺节目上遇到杨迪
俾佢搞到“喊咗”
原来係杨迪讲嘢太搞笑
文文笑到飚眼泪
Justin好耐冇跳舞
Justin黄明昊沉迷综艺
已经好耐冇见过佢嘅舞台啦
最近佢终于上载影片
跳咗一段cover舞蹈
大家会为佢打几分咧
资料来源：微博、综艺截图
网络综合整理
编辑：郭玮
审核：曾敏妍
签发：骆苹
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方微信号：靓仔可乐君（handsomecolor）