痞子殿下｜陈滢男扮女装被指表情太淫，即激动澄清：我系咸湿！
陈滢、JW、周嘉洛和朱敏瀚主演的TVB剧集《痞子殿下》现时已经播出两星期，虽然凭搞笑无厘头的风格令不少观众赞赏看得好轻松，但却有人批评觉得似古装版的《开心速递》。日前四位主角坐在一起细看兼朗读网民的每则负评：「好XX，成个台啲暗星都X！」
JW笑言自己为人比较乐观，脑袋总是能够很好过滤负面留言，就算网民批评她的声音像「鸡仔声」、不够靓女又或者狠批她演戏比起唱歌还要好，亦展现出没所谓的态度。有网民批评周嘉洛在剧中感觉像模仿住周星驰，他澄清自己绝对没有模仿对方：「但真系有啲嘢入咗去，可能有时讲嘢都会似佢......」不过对於有网民狠踩自己「简直就系旺角啲废青，烂泥点扶得壁，锺意得佢嗰啲都系有眼无珠」，他随即为喜爱自己的人护航：「真系好见仁见智嘅，每个人都会有唔同嘅功能，就如人生有唔同阶段，呢个阶段嘅我配合到某啲人当下锺意睇嘅嘢，我觉得每个人都有唔同嘅品味，你唔好侮辱嗰啲人，都要尊重番人哋嘅谂法。」
陈滢大声读出批评自己的负评，并且一边读一边点头：「『我觉得反而陈滢唔掂，佢得一个恶样，系讲对白唔自然，完全冇嗰种气势！』，我都唔觉得好mean，讲得几啱吖！」她解释道自己的角色开头确实只有恶样，但到後期会慢慢有转变。另外，她留意到自剧集播出後经常被网民形容不惜女扮男装的自己「淫」：「近排真系见到好多，话我淫，但我都好想澄清，我唔系淫，我系咸湿！唔系我，系我个角色蛮仪！」她笑言这个角色是一个女将军，所以幻想自己是一个男人一样，「男仔见到女仔会点？咪咸湿罗！咪会??女流口水罗，所以我做咗女将军咪咸湿罗，见到波咪流口水罗！」
有网民狠批剧集实在太无聊，随即有人出来护航说「你睇番《I SWIM》啦」，周嘉洛亦很尊重ViuTV，认为各有各好：「我哋剧就系比较包罗万有啲嘅，大只嘅当然系《I SWIM》，不过朱朱都有少少咁嘅！」不过，对於有人称「啲主角毫无吸引力」，JW即表示她觉得他们各自有各自的吸引之处，陈滢脸上亦略有失望：「见仁见智啦！」又对於剧集无法受到每位观众的青睐，周嘉洛感到相当可惜：「呢部剧嘅笑位唔啱你都系有啲可惜，我建议一路追到15集之後，就会开始有呢种（好笑嘅）感觉！」
四人朗读完负评之後心情未有太受影响，朱敏瀚坦言「有人讲总好过冇人讲」，JW表示自己做娱乐行业就不介意成为观众茶余饭後的话题，只希望可以为大家带来娱乐。陈滢则认为负评有助自己的成长：「你哋讲嘅嘢有时我哋都会觉得，啊，原来系咁样?？可能会可能因为你哋嘅负评留言而令我哋有少少进步。」#娱乐聚焦#
