叶念琛嘅“爱情三部曲”
令几多迷途情侣搵翻“爱情”
又令几多人重新认识“爱情”咧
曾经为大家送上呢系列电影嘅
大导演叶念琛
宣布将开拍电视剧《我的灿烂》
最近演员阵容都官宣咗
其中就有Color个friend陈山聪
最近热播嘅《金宵大厦2》
令到佢嘅人气急速上升
剧中山聪瞓身全裸出镜
show“优质股”引发观众嘅热议
唔少网友赞佢为艺术作牺牲
原来以前山聪同叶导
就有过擦肩而过嘅缘分
依家终于有机会再续前缘
佢仲透露今次嘅角色
係自己从来未试过嘅人设
早前山聪同Color倾计嘅时候
曾经讲过自己想
尝试贴地气啲嘅角色
唔知今次佢有冇机会如愿咧
除咗我哋山聪嘅表现值得期待
阵容队伍中更令大家关注嘅
就係方力申&陈滢呢pair
“搞极都搞唔清”嘅CP档了
方力申早前化身
“冇出头天”嘅“万刀甲”
去社区做义工协助抗疫事务
本身收到大家嘅唔少like
但喺一次录节目过程中
因为自己“玩大咗”嘅失误
导致同场嘅女艺人受伤
又引发网友对佢嘅质疑
虽然受伤嘅当事人
后嚟有话係自己唔小心
事件之后小方都变低调咗
亦冇公开为呢件事再做说明
今次叶导钦点小方加盟新戏
係咪俾紧机会他咸鱼翻身？
//////////
而陈滢自出道以来
演技一直受到争议
特别係佢搭档欧阳震华
出演《伙计办大事》嘅时候
被网友吐槽佢戏份过多
部剧应该改名做《“陈滢”办大事》
佢同方力申嘅关系拉拉扯扯
先喺节目上“公开求婚”
旧年喺胡鸿钧嘅演唱会上
又上演“此地无银三百两”嘅
“逃跑新娘记”
搞到好似扑朔迷离唔知想点
陈滢最近同《今宵大厦》嘅演员
好似都有啲嘢到
今次同陈山聪合作
之后会有机会同埋李施嬅
一起拍电影添
前提係要等施嬅休养好身体
以叶念深强大嘅“造CP”功力
唔知今次陈滢&方力申
会不会真係挞着咧？
好啦，讲返剧情先
呢出《我的灿烂》
係以韩剧《顶楼》为创作蓝本
主要故事情节会围绕几个女仔
由情深姊妹花演变到反目成仇
为金钱、为男人玩转羡慕妒忌恨
前段时间热度炸裂嘅《家族荣耀》
都曾经被誉为“港版顶楼”哦
而且仲传出《家族荣耀》2.0
已经喺筹划中
唔知呢部《灿烂》同《荣耀》
会唔会有啲咩挐掕咧
挐掕，音“naa1 nang3”,
指事物两者相互之间的关联。
叶念深一直专注电影方面
从2006年开始
每年拍一部爱情题材嘅电影
每次都可以引起大家共鸣
其实甚少涉足电视剧嘅
今次係佢继2019年《心冤》后
第二次执导电视剧
据闻係受到曾志伟嘅力邀
大家都知道叶念深嘅作品
永远都有个“女主角”叫“阿宝”
早前佢亦有透露过
“阿宝”会以惊喜嘅方式
出现喺新剧中
佘诗曼係《人约离婚后》中嘅“阿宝”
刘心悠係《爱情攻略》中嘅“阿宝”
蒋家旻係《第一次不是你》中嘅“阿宝”
从目前官宣嘅阵容嚟睇
唔知大家觉得边个
会係最终嘅“阿宝”咧
MORE
今日娱乐看点
易烊千玺带“山娃娃”读书
四字弟弟作为特邀主播
带领坪坦乡中心小学孩子们
朗诵《少年中国说》
听朗朗读书声，
感受中国少年之风貌
京剧版《无字碑》好惊艳
喺《国色天香》节目中
郭麒麟&MIC男团成员合作
演绎京剧版嘅《无字碑》
将京剧同流行音乐完美结合
讲述武则天嘅跌宕起伏一生
范丞丞嘅“领导能力”
丞丞同沈腾斗舞
一开始火药味十足
但跳跳下画风开始转
沈腾被丞丞带到“怀疑人生”
但身体又好诚实咁跟住跳
资料来源：微博、豆瓣、剧照
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方微信号：靓仔可乐君（handsomecolor）