艺人杨玉梅爆刘松仁临时加戏兜巴星，被寸未够班做女主角！
下月5日便踏入57岁的杨玉梅日前与前亚视小生甄志强（小强）一起接受港台节目《一起走过》访问，分享当年入行后的起起跌跌。杨玉梅是1990年三料亚姐季军，同时兼得最上镜小姐及完美体态奖，同届冠军是吴绮莉、亚军施绮莲。她当年得奖后签约亚视发展，备受力捧成为一线花旦做女主角，然而背后却有不少辛酸。
杨玉梅忆述当年被武术指导徐二牛闹的事，她说：「记得选完美乜都未学过就要拍古装做女主角，同汤镇业拍《剑神不败》（又名《傲剑至尊》）。我又未做过戏又未去过训练班，拍古装系好难，我仲要系一个侠女，嗰时真系惨，女仔未学过就要扎马，徐二牛一嘢拍落我大髀话『你唔好以为自己选完美出嚟就做女主角，我都唔明点解可以搵你做女主角？唔打得，我都唔知点选人，扎个马都唔识！』，我直情好hurt。（有无喊？）有少少眼泪啦，嗰时瞓又无得瞓，又唔食lunch，要练喺张木凳度耍杂技转碟，因为唔想NG累到人收唔到工，真系好唔开心，我真系唔识，但公司畀我唔通唔做？我都要做，我真系未读过训练班，今时今日做戏都系全部靠经验，被人闹、闯祸或者NG，直至到今日咁样。」
另外，提到曾与不少前辈合作，杨玉梅又大爆一段令她伤心爆喊的经历说：「我喺电视台5年真系辛苦。记得嗰时同刘松仁拍《碧血青天珍珠旗》，可能自己真系好新，有场戏我有4页纸对白，讲我慢慢讲到喊，渠就无乜对白，试完位又无乜嘢，当开始roll机渠真系兜巴「啪」打落嚟，我直情呆咗……（剧本无掌掴戏？）无，渠打完我呢巴我真系慢慢一步步讲对白，由无眼泪到好惨，一步步讲完对白，我就喊到收唔到声，然后大家一齐睇playback，睇完自己直冲咗出厂喺度喊，收拾好心情形返入厂，松哥仔就话『呢巴做得好呢，帮到你做戏喎，掂呀，你做得非常之好』，我话你唔惊我呢巴之后唔记得晒啲对白咩？佢话唔惊，觉得我做到。到呢一两年再撞到渠，都仲同渠讲番呢件事，佢话梗记得啦。 」
她还再爆与刘松仁合作的轶事，指有场戏对方要抱起她跑，提议用替身或镜头迁就也不肯，最后双双仆倒地上，她说：「啪一声，渠成个人压住我，搞到我乜都歪晒，呢啲系我好难忘记。」
#娱综大赏#
