乐易玲否认因钟嘉欣失奖导致与王祖蓝不和：大家达成共识先会投！
剧集《飞虎3壮志英雄》今天（10日）举行记者会， 预告在2月21日在TVB晚上九时三十分播出。邵氏兄弟国际影业有限公司执行董事暨总监制乐易玲小姐亦有出席这活动。而主题曲是由邓紫棋（G.E.M.）演唱，乐小姐接受访问时爆料说是G.E.M.自荐：「因为佢好钟意《飞虎2》，几晚煲晒，又好钟意莫文蔚首《呼吸有害》，之后佢花时间写歌同编曲，佢真系好好。」
近日乐小姐传出与王祖蓝不和，指祖蓝心灰意冷，带了不少TVB艺人回内地试水温，尝试做中间人帮TVB艺人于内地接工作，乐小姐回应：「边有，冇咁嘅事，唔需要回应，所以我哋都冇去回应。」
亦有传出不和原因是在颁奖礼的事，指祖蓝邀请钟嘉欣回港，希望「视后」由嘉欣夺得，可惜有意见分歧，导致不和。乐小姐回应：「我入TVB都17年，参加咗17次颁奖礼，咁颁奖礼有佢机制，当然可能每一个人有唔同嘅心水。但最后一定要大家达成共识先会投，年年都系咁。咁后尾祖蓝写嘅诗篇，佢真系写得好好，道出佢嘅心境又道出我嘅心境。」
这件不和事件亦成网上热话，乐小姐笑言：「点会唔开心啫，我哋做紧呢个娱乐圈嚟，一定有好多唔同新闻，咪当新闻一则。」
另外「虫草大王」陈恩德和李佳芯（Ali）的事件闹到全城皆知，陈恩德指TVB提出一些无理要求，例如出席活动时不能和Ali交谈，一怒之下抽起每年花千万在TVB落广告的金钱，乐小姐也得知这件事情，她说：「我哋TVB有4千几个员工，成千个艺人，我哋都要知道每个月嘅支出。当然我哋好珍惜每个广告客户，每个客户都当上宾。但我必须要讲，如果呢个系公司工作都会尽量说服艺人去做，但系真系唔系公司里面嘅工作，就要睇艺人自己想唔想去接。」
这件事越炒越大，乐小姐认为是小事：「唔紧要啦，我哋都觉得新闻一则，娱乐新闻。公司从来冇畀压力我呀，冇叫我畀压力我啲艺人呀，接嘢第一意愿系睇艺人想唔想接，我哋要尊重艺人。」
#娱综大赏#
