最近“娜姐”周秀娜就拍埋Bosco
开拍警匪片《叠影狙击》
化身“打女”同匪徒格斗
因为佢嘅人设係
一个“身手好好”嘅特警
所以打斗嘅戏份仲多过Bosco
搏到尽嘅娜姐下下都亲身上阵
有次觉得肋骨赤赤痛
开始以为自己只係拉伤
拍片之后先知原来係肋骨裂咗！！！
医生建议佢休息
为咗进度娜姐就改拍文戏
但部剧最“文”嘅场景
都会涉及“跑楼梯”
甚至连喺“诊所”嘅戏份都唔例外
前段时间娜姐喺社交平台
晒自己运动嘅相
虽然睇得出肌肉嘅线条
但整体都係偏瘦
露小蛮腰嘅时候成副骨架都现晒形
冇翻啲脂肪保护下
难怪会打裂条肋骨
其实娜姐以前就成日都受伤
唔係撞淤个膝头就係扭坏个脚踝
真係希望佢以后都小心啲
今次嘅《叠影狙击》已经係
娜姐同Bosco
继《非凡三侠》《战毒》之后
第三次合作
除咗都係警匪打斗系列之外
两人亦一而再、再而三咁做CP
Bosco话斋
kiss都已经kiss到麻木咗
冇feel了
话虽如此
有型男索女加持
又係港剧擅长嘅警匪题材
大家都依然会对《叠影》好期待
同娜姐差唔多同期嘅
都係靓模出道嘅Janice Man文咏珊
出道嗰下外形就冇娜姐咁火辣
但走住青春甜美路线依然几煞食
2019年同圈外人婚后好少晒恩爱
但因为几乎冇咩唔好嘅传闻
大家都感受到佢嘅幸福啦
近年嚟JM努力经营事业
喺《风声》中饰演科长“李宁玉”
军装飒气、旗袍惊艳
关注度上升唔少
佢喺电影《赤道》《寒战2》中
演“律师”有内涵
做“杀手”就够狠劲
成熟嘅演技同冷艳嘅气场
都感染力十足
前一排佢喺《误杀2》入面素颜出镜
将一个“母亲”嘅温柔和坚强、
爆发力和脆弱感都演绎得淋漓尽致
带俾观众好大嘅惊喜
最近JM仲入组拍摄《广州十三行》
搭档朱亚文、徐璐等等
讲起呢套剧又係好神奇嘅
官博除咗一条官宣嘅微博之外
冇任何其他物料流出
“坊间”嘅路透也少得可聊怜
大家对JM同徐璐嘅二搭表示期待
但从来都冇关于佢哋
喺呢部新剧里面嘅任何资料流出
点都好啦
可能人哋剧组有咩惊喜安排咧
相信跟得Color多
呢种以广州历史为背景嘅电视剧
大家都会几期待
而当年同JM好似“糖黐豆”咁
咩都打孖一起嚟嘅Angelababy
依家大部分时间都活跃喺综艺节目上
依然样靓身材正嘅baby
仲係show场嘅宠儿
不过呢～
佢嘅演技一直备受争议
瞪眼、嘟嘴就係佢嘅全部演技
实在唔得仲要出动埋抠图技术
演技唔过关、歌喉更是堪忧
喺节目上开唱连后期加工都救唔翻
剩得个样仲可以杀下菲林
唔少网友都希望佢务实啲
……
点知
寻日中午佢仲同“前夫”黄先生
齐齐官宣、搞咗一场“大龙凤”
曾经轰轰烈烈嘅世纪婚礼
终于走到“各自安好”嘅地步
<↓↓↓事件回顾可戳↓↓↓>
年关将至
娱乐圈搬砖人本来已经收拾好桌面
准备过大年、放大假了
点知佢哋一官宣又要开翻机加班
真係多得佢哋唔少了
▓▓▓▓▓▓▓▓▓▓▓░░░░努力加载中……
大家都係靓模出身
虽然发展嘅方向唔同
但都算各自精彩
希望大家多啲关注佢哋嘅作品
私生活就唔好过多去深究啦
MORE
今日娱乐看点
《最强大脑》好燃
退役军人范天成上《最强大脑》
佢曾经喺边疆驻守、
参加过反蚕食斗争
除咗做过翻译、
仲完成咗大学法学本科学习
中国军人精神面貌
喺佢身上体验得淋漓尽致
周深歌声总能带来希望
周深演唱《生活总该迎着光亮》
梦幻舞台配合走心歌词
带俾人信心同力量
唤醒大家向梦想杨帆起航的动力
景甜被两人轮流“强吻”
喺最新一集嘅《流光之城》入面
景甜饰演嘅“冯世真”
被“容嘉上”&“孟七爷”
先后“强吻”
你更中意边个角色啊
资料来源：豆瓣、微博
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。