張馳豪自嘲舞台演出太廢挑戰跳唱歌 辛苦操靓Body做肌肉系男歌手
張馳豪（Aska）首次推出跳唱歌《Dirty Rhythm》，這是他去年給自己的挑戰，既要創作快歌，又要跳舞兼操肌，雖然過程艱苦，但成就解鎖令他對未來表演更有信心，還計劃于本月18日跟林智樂和潘靜文開騷時展現努力成果。
另外，他預告跟全球先生亞軍的細佬張馳傑，齊爆肌拍節目，各位“睇肉家”要留意。
Aska向來愛挑戰自己，故以寫快歌、跳舞和操肌作考驗，“跳舞係件好型嘅事，係呢行需要嘅技能，就算唔係跳得好好，喺舞台上都應該有個律動，表演先會投入好睇，以前自己太廢，想做得更好。”
3項挑戰中，他認為寫歌較輕鬆，“寫快歌有個好處就係有beat，聽落覺得精神想郁，比寫慢歌free好多。”
同細佬拍節目當旅行
Aska認為跳舞是最困難一環，花了最多時間同心機準備，不過上完第1堂，令他有少少後悔，“由開始學到拍MV大概1個月，上咗5堂，第1堂排舞師跳副歌部份畀我睇，開頭覺得好型，但谂到要自己做就弊，係咪開大咗個頭？！真係好驚，哈哈！”
他瘋狂練習後再上第2堂，先開始有信心，“我跳完一次副歌，排舞師講‘都真係有返去練喎’，係打咗支強心針，證明嗰段時間發夢都見到隻舞係有用，呃到吓人。”
大學讀運動生理學兼擁健身教練牌的Aska，操肌不難，但執行就好痛苦，“拍MV前得返12日，雖然隻係減5、6磅，但每日要重訓，餐餐食番薯，雞肉同西蘭花或者菠菜，飲水都要調節，拍前要脫水再食返啲碳水化合物，等啲肌肉脹返。”
他已計劃在18日的演唱會将努力成果呈現出來，還打算長Keep這副好身材，更透露将會同細佬拍節目齊騷肌。
“一齊拍《自然系男子旅行》，會浸溫泉，以前都係一家人去旅行，未試過淨係同細佬去，都幾正。”