天王們陸續開個唱
繼黎明、張學友舉辦演唱會後
郭富城都宣布喺澳門
連開10場show
衆所周知
城城每次演唱會都落足心機噶
時隔四年再喺澳門開show
團隊們認真籌備足足一年
斥巨資打造超豪華舞台
高科技的影像&立體光影燈效
令在場觀衆身臨其境
仿佛置身移動城堡
城城以一首《鐵幕誘惑》
拉開當晚序幕
隻見佢染上紅色頭發
戴着白框眼鏡閃亮登場
型到爆燈
演出以“夢幻”為主題
分成五個環節
“夢幻新篇”“花樣遊園”
“失憶迷城”“狂野心曲”
“迷動之間”
每個環節
城城都會換上對應嘅造型
貼返“夢幻武林”的主題氣氛
有“亞洲舞王”之稱嘅城城
使出渾身解數
勁歌熱舞燃炸全場
演唱會進行到半場
郭天王已經大汗淋漓
佢仲以“濕身”為由
好刻意咁解開自己件白襯衫
show出結實胸肌
引到全場觀衆尖叫
之後嘅talking環節
城城就化身好好爸爸
話呢段時間
自己會陪囡囡去水上樂園
如果大家想睇佢嘅水上look
記得去水上樂園野生捕獲啦!
當晚佢仲唱咗唔少經典歌曲
《對你愛不完》《動起來》等
前奏一響起
台下觀衆都忍唔住跟住唱
繼上次張學友喺演唱會上
着西褲秀一字馬後
城城都用一字馬謝幕
睇嚟兩位“天王”狀态都好神勇
除咗連開咁多場show
仲要卷起一字馬
見到城城咁熱力四射
好多觀衆都表示未夠喉咯
其實接下來
澳門7月嘅周末都被佢承包咗
要睇show就要嗱嗱聲撲飛啦
期待佢後面嘅show更加精彩
MORE
今日娛樂看點
吳業坤升呢做爸爸?
吳業坤近日透露
屋企增添一位新成員
原來係同太太
領養咗一隻松鼠狗女“白湯”
坤哥覺得狗仔都好似小朋友
提前體驗做爸爸嘅感覺咯
《逆天奇案2》為壽星開趴
《逆天奇案2》拍攝得如火如荼
劇組為近日生日的林夏薇、
馮盈盈、容天佑、趙璧渝
四位壽星舉行生日趴
場面溫馨又熱鬧
AGA圓“紅館夢”
AGA江海迦宣布
8月底喺紅館開show
《AGA ONEDERFUL LIVE 2023》
雖然演唱會“遲到”三年
但能在佢出道第10年
喺紅館開佢自己嘅“處女秀”
都别具意義噶
資料來源:官方、微網誌等
網絡綜合整理
編輯:饒禧
稽核:曾敏妍
簽發:駱蘋
掃描下方二維碼訂閱【微店】可樂生活小店【淘寶】羊晚生活館【郵政】中國郵政微郵局
▼
>>>
一次過get可樂報詳細内容
羊城晚報報業集團旗下的粵語生活類報紙,廣東省唯一一份粵語刊物。廣州至潮至IN的吃喝玩樂,灣區潮流資訊風向,統統喺曬度!
官方微信号:靓仔可樂君(handsomecolor)