《香港小姐競選》結束快一個月啦
但三甲佳麗除咗啲大型晚宴
一起出下鏡之外
其實都未有咩單獨業務
可以展現一下佢哋嘅個人風采
而入選最後五強
最終因為臨場發揮失誤
遺憾落選嘅徐麟
就似乎“上位”成功
被曾志偉睇中咗
已經挖到“第一桶金”啦
《開心無敵獎門人》開播以來
都受到觀衆嘅喜愛
特别係佢哋玩經典game、
複刻招牌挑戰等等
情懷感滿瀉、搞笑程度都滿分
包括獎門人在内嘅各位“獎老”
亦都好賣力營業
勢要俾到大家最開心嘅體驗
營造懷舊嘅氛圍
由參選“港姐”開始
徐麟就因為唔鹹唔淡嘅廣東話
引起咗大家嘅注意
曾志偉就係睇啱佢嘅呢個特質
搵佢嚟做新一任“獎老”
“獎門人”節目有各種搞怪造型
cosplay狀态中嘅徐麟
已經用假發遮曬自己嘅标志性爆炸頭
但佢五官嘅辨識度依然喺度
高挑身材亦十分亮眼
無論係扮成粉紅小甜甜
定係閃閃炩小仙女
徐麟都一樣咁磢鏡
加上佢大方甜美嘅笑容
一啲都唔扭擰嘅性格
整體形象都幾得人中意
佢嘅爆笑廣東話
成為佢升呢嘅殺手锏
“秒殺”現場所有人
例如将“爆炸一廠”
會講成“爆炸張床”等等
徐麟冇包袱又放得開
獎門人曾生成日借啲意
調侃佢嘅發音
氹觀衆開心之餘
其實幫徐麟提升咗觀衆緣
據聞曾生有意将徐麟
打造成“女版金剛”
想當年，金剛入圍“獎老”
最大嘅笑點就係
佢嗰口歪到幾乎出軌嘅粵語
《獎門人》開播以嚟
都有唔少觀衆希望
金剛回歸
話想再次睇到佢嘅演出
徐麟嘅出現
無疑安撫到
各位挂住金剛嘅小心思
▓▓▓▓▓▓▓▓▓▓▓░░░░努力加載中……
~呐~
真·金剛其實前段時間
就一直黏埋王浩信度
一起拍緊《狀王之王》嘅
呢部電視劇之前遲遲未開拍
開拍推遲到幾乎俾人遺忘
就算真·開機之後，
路透、宣傳都勁少
大家都唔清楚佢嘅進度
前兩日《狀王之王》又真係
好低調咁殺青
期待金剛嘅觀衆朋友
可以開始期待下呢部電視劇啦
完成電視劇拍攝之後
唔知金剛仲會唔會
翻《開心無敵獎門人》
玩下遊戲或者係做次特别嘉賓
等“女版金剛”可以對戰真·金剛
齋谂到佢哋你眼望我眼、
雞同鴨講眼碌碌嘅情景
已經夠曬好笑啦
MORE
今日娛樂看點
《美麗戰場》“大好人”現身
阿Bob林盛斌飾演嘅徐福貴
喺尋晚嘅劇情中正式現身
原來佢係一個以德報恩嘅大好人
而且努力咁白手起家
大家唔好俾佢外表欺騙咗啊
蔡思貝為靓絕食？
蔡思貝本身就好纖瘦
最近佢出席一個活動
為咗穿上靓靓嘅露背連衣裙
竟然停食澱粉類食物兩日
粉絲都勸佢：
要靓都要注意身體健康！
《浪漫滿屋》開機
電影版《浪漫滿屋》開機了
主角係張俪&丹尼斯吳
據聞故事情節同韓版差唔多
不過男女主嘅劇中年齡
被改到了30歲以上
資料來源：劇照、微網誌
網絡資訊綜合整理
編輯：郭玮
稽核：曾敏妍
簽發：駱蘋
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）