《獎門人》開波之後
叫林敏骢上節目嘅呼聲好高
事關呢位鬼才
真係喺“獎門人”嘅曆史上
留低太多歡聲笑語
以及經典名場面了
▓▓▓▓▓▓▓▓▓▓▓░░░░努力忍笑中……
“唱衰你”暴改《舊歡如夢》
将甜甜嘅小情歌
唱成咗“調侃”渣男
去滾嘅“口水歌”
連原唱李克勤聽到
都忍唔住搖頭認可
“馬拉松”為咗擊垮對手
急智講出“蘇格蘭場
非工業用國際線路
自動融雪16VALUE
風油軚垂直升降大包圍連鐳射
彩色洗衣幹衣腐蝕性氣墊毛筆”
關鍵仲要一氣呵成
聽到現場嘉賓+觀衆都眼擎擎
呢段“名台詞”
甚至“傳頌”至今
唔少後生仔女将佢背熟
一有機會就show出嚟緻敬林老師
“爆波波”環節，
講出“想睇嘅電影名”
《向世界恤發》
《盲俠騎劫隐形戰機》
《怪俠一撮毛》等等片名
真係笑到大家
忽略咗個波仲充緊氣
随時都可能會炸
曾志偉亦為此首破例
爆波之後都俾機會佢講埋啲内容
最近有劇透
“無厘頭之神”林敏骢
終于上獎門人啦
探班路透隻見佢上場冇耐
就俾曾志偉用喇叭狂噴
又俾人話成日走嚟走去
林老師徘徊喺“失控”嘅邊緣
不斷挑戰“獎門人”本人嘅底線
連攝影老師都怕咗佢
見佢行近就即刻移開鏡頭
避免傷及無辜
獎門人亦都“專登”搞到佢犯規
等佢遊戲冇咁易過關
現場笑聲不斷令人好期待
林敏骢今次係同江美儀等人一起
代表《下流上車族》劇組上陣嘅
呢部新劇就定檔10月
開拍前其實就定咗
由姜皓文做男主角嘅
甚至有人預測
佢會憑呢部劇
沖擊“視帝”寶座圓夢添
但點知開拍僅僅一日
姜皓文就因為電影檔期“撞車”
而辭演《下流上車族》
情急之下
曾志偉先力邀林敏骢
頂上“男一”位置
林老師入行多年
資曆夠深但竟然係第一次演電視劇
“初哥上線”嘅佢卻表現得遊刃有餘
反而係同佢搭檔嘅老戲骨們倍感壓力
因為林老師現場實在太搞笑
忍唔住成日NG
《下流上車族》
講嘅係好現實嘅社會問題
為咗買樓上車
主角不息“出賣”自己嘅感情
之後係會同人“戲假情真”
定係“日久生情”
可能要睇到正片先知
首次投身電視劇嘅林敏骢就表示
拍呢部戲嘅最大得着
就係成日“俾女圍”
成日有一大班靓女簇擁
甜美青春、知性成熟都有齊
唔知大家有期唔期待呢部電視劇咧
MORE
今日娛樂看點
糖妹&林曉峰一起上央視
糖妹同林曉峰
一起上央視文藝節目
《回聲嘹亮》 之 《了不起的歌》
兩人合唱《世間始終你好》
唱出豪邁的江湖俠情
《痞子殿下》會有續集
電視劇開播以來收視越來越好
今日落實會拍續集
據聞會保留原有主演及幕後陣容
劇情就會以民初為背景
“農業”養成綜藝要嚟？
愛奇藝放出綜藝片單中
《種地吧少年》引起不少關注
這是一檔偶像男團
鄉村農業養成類真人秀
會請啲少年用180天的時間
在荒蕪的土地上種出大米
要拍“比設計更有趣”的生活
資料來源：劇照、微網誌
網絡資訊綜合整理
編輯：郭玮
稽核：曾敏妍
簽發：駱蘋
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）