每次睇親黎姿（現名：馬黎珈而）慨IG都會覺得好奇怪，點解佢唔識老慨？50歲生到似30歲，絕對系最強生招牌。上月尾，黎姿開

每次睇親黎姿（現名：馬黎珈而）慨IG都會覺得好奇怪，點解佢唔識老慨？50歲生到似30歲，絕對系最強生招牌。上月尾，黎姿開始上載法國旅遊相到社交網，差唔多日日出Po，好似Fashion Show咁，每套衫都系頂級名牌，見渠喺巴黎街頭咬法式三文治，又喺啲花前擺曬甫士影相，見渠有Tag攝影師，咁影全家福就唔使煩啦。

之前幾日慨旅行相都系得靓媽一個，最新上載慨就有三個囡囡，分别系12歲孖女Gianna與Patricia，及9歲細女Pegella，靓媽攬實囡囡漫步街頭，都系唔見樣得背面，但好明顯囡囡高咗唔少，相信冇幾耐就會高過媽媽。從相片可見，靓媽已離開巴黎去咗波爾多，着上涼鞋，換上輕便裝束的渠繼續喺街頭留影，仲笑笑口幫襯小店買零食，為食可愛樣又為渠減咗齡。