仲未等到《向往的生活6》
正式開播嘅消息，
舊“蘑菇屋”已經提前再營業！
算死草環保大師芒果台
秉持勤儉持家原則，
《向往的生活5》場地改一改，
就推出全新節目
《歡迎來到蘑菇屋》。
首期作客嘉賓係
來自07屆快男的陳楚生、
陸虎、蘇醒、王栎鑫、
王铮亮、張遠。
雖然人未到齊，
不過假假哋都可以算係
半個07屆快男的團建party。
曾經在同個舞台上争名次
争到“腥風血雨”的男孩們，
難得在經曆過歲月洗禮後
再齊聚一堂唱歌作樂，
真係牽動咗無數人的青春回憶。
佢哋會坦然地爆料
當年的“恩怨”、趣事，
會再唱起舊日飲歌，
也會即興創作新歌作樂。
佢哋會一邊“叫嚣”
不服當年賽果，
然後另一邊
其樂融融玩積木。
而撇開粉絲濾鏡，
呢班哥哥嘅綜藝感
也确係唔差。
話就話係古早内娛偶像
遲到15年的“團綜”節目，
但呢班哥哥們真係一啲
“偶像包袱”都冇嗮。
節目組沒收零食？
陸虎一招“順手牽腸”秒破局。
冇食材冇經費？
哥哥們直接去鄰居家黐餐，
“理直氣壯”又食又拎。
身材管理什麼的，
除咗仲以偶像歌手形象
發展緊嘅張遠keep得還ok，
其他幾個已經逐漸變成
“擺爛”hea做的大叔樣
被網友調侃為
“糊咖再就業”的哥哥們，
自黑起身比黑粉仲直接。
特别係玩game嗰陣，
哥哥們要根據舊相輪廓
估出照片主人并還原造型。
要知道當年真值
非主流造型盛行時期，
宜家回看古早舞台照
簡直就係“黑曆史大曬冷”，
是以一個二個社死之餘，
仲真情實感地“嫌棄自己”。
比劃動作估歌詞環節，
節目組“貼心地”将哥哥們嘅
作品安排成題庫，
不過哥哥們“很有自知之名”，
“默契十足”地将遊戲玩成咗
冷門歌曲過過過。
/////////
想睇兄弟情深？
相愛相殺模式随意切換，
上一秒cue歌名造句，
幫兄弟們友愛打歌。
下一秒“毒舌”發作，
張遠問王栎鑫
“有玩過什麼紅的音樂嗎”
王栎鑫反擊
笑張遠係“婚慶歌手”
用詞之犀利，
确係真朋友先敢講出口。
舊地再營業的
《歡迎來到蘑菇屋》
作為低配置的衍生綜藝，
其實更多嘅係為維持
系列IP的熱度和話題度。
不過從首播睇嚟，
目前觀衆反應都很ok。
主打老友重聚嘅快男專場
哪怕係炒冷飯
也算係炒得色香味俱全。
之後仲有郭文韬、羅予彤、
齊思鈞、石凱、邵明明等
錄制的院人團建專場。
唔知節目熱度若能持續，
仲會有邊啲老友記
會受邀嚟組團開party咧？
資料來源：綜藝截圖、微網誌、豆瓣
網絡資訊綜合整理
編輯：陳祉伶
*文中圖檔版權歸原作者所有，
如涉及侵權請聯系，立即删除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細内容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。
官方微信号：靓仔可樂君（handsomecolor）