TVB全新青春校園劇
《青春本我》今晚上線
星夢嘅一班仔仔囡囡
将全員變身“學生哥”
唱響緻青春嘅活力旋律
近年嚟TVB比較專注于
打造各種醫療、刑偵、
商戰、家庭類電視劇
好似《青春本我》噉
針對年輕一代尤其初、高中階段嘅
校園劇就比較少
中學應該係每個人
最熱血、最有沖勁嘅時期
對未知嘅一切
充滿期待、亦充滿懷疑惑
呢部電視劇會通過
引導中學生面對問題、勇敢承擔
激勵大家enjoy青春、
享受美好嘅歲月
其實都幾有積極向上嘅意義
上一部令大家印象深刻嘅校園劇
大概就係十年前
由陳豪、楊茜堯（楊怡）、
鐘嘉欣、吳卓羲主演嘅
《點解阿sir系阿sir》了
教書阿sir變身警察阿sir後
潛入學校做卧底、扮教書阿sir
兜兜轉轉幾重身份
中間穿插住校園青春、刑偵探案
精彩程度令佢成為口碑好劇
時隔十年
同樣係講校園青春嘅電視劇
如果要摞嚟比較嘅話
演員陣容同《阿sir》比就差一截了
但勝在啲仔仔囡囡夠“嫩口”
呢部電視劇仲有
湯盈盈&錢嘉樂夫婦
首次以“真·夫妻檔”出演“夫妻”
令《青春》又多咗個值得期待嘅地方
最近有份參演《青春本我》嘅
JW王灏兒
就夢幻“關聯”咗一次《阿sir》
入面嘅“阿sir”陳豪啦
前段時間因為要喺《青春》入面
演校園心理輔導老師
JW就去到學校取景
拍拍下仲“想當年”
回憶起自己讀書嗰陣嘅事
拍到一幕要自己沖咖啡嘅場景時
佢講起自己朋友飲到“陳豪咖啡”
表示超級羨慕
趁機隔空表白mo哥：
“我都好中意陳豪！”
“青春”miss“示愛”“阿sir”嘅阿sir
唔知阿sir陳豪聽到
會有咩反應呢？
喺圈入面
陳豪係出咗名“絕種好男人”
錫老婆錫到出曬面
早前喺台慶盛典上玩遊戲，
被問關于女星嘅問題
佢隻答得出“陳茵微”三個字
至于其他女仔了哦
陳豪依依哦哦一陣最後隻答出
“我真係唔知啊！”幾個字
結婚多年零绯聞，敬業之餘仲好顧家
除咗工作需要絕對“女人勿近”
年頭同宣萱拍《陀槍師姐2021》嘅時候
最激烈嘅鏡頭就係“求婚”嘅時候
攬咗一下咁大把
佢哋都有講話係
鑒于疫情要保持“安全距離”
會盡量減少“親熱戲”嘅分量
講到尾，
就真係“為咗佢嘅家庭着想”嘅
最近阿mo搭譚凱琪
拍《四十二章經》
喺拍“結婚相”鏡頭時
陳豪都表現出十足嘅紳士
阿mo嘅專情愛家
令搭檔女藝人對佢都贊不絕口
同時亦羨慕陳茵微
私有化咗咁好嘅筍盤
//////////
照咁睇，陳豪就算聽到JW“示愛”
應該都係回答嗰句“我真係唔知！”
大家想八卦都冇乜素材噶啦
不如一起關注今晚上線嘅《青春本我》
重拾記憶中最熱血嘅時光啦
MORE
今日娛樂看點
李健喺麗江唱《麗江》
健哥2007年為麗江寫過一首歌
最近佢咁啱去咗大理
特意抱起吉他喺麗江邊唱起呢首歌
景色之美&歌聲之美互相交融
旋律中找到詩和遠方
陳小春錫老婆
網友偶遇春哥行街買女款戒指
被售貨員認出後超nice合影
購物時標明款色之後仲再三确認size
睇得出佢對采兒姐超級上心
sweet sweet惹人羨慕
THE9畢業EP
限定女團THE9要畢業啦
同名EP「THE NINE」正式上線
係佢哋以團體身份出嘅最後一張EP
希望小姐姐們畢業之後
繼續走鑽石路！
來源：豆瓣、微網誌
編輯：郭玮
*文中圖檔版權歸原作者所有，
如涉及侵權請聯系，立即删除
掃描下方二維碼
進入可樂生活小店
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。